Настройки отображения
Настройки шрифта:
Выберите шрифт Arial Times New Roman
Интервал между буквами (Кернинг): Стандартный Средний Большой
Выбор цветовой схемы:
Алтайдын Чолмоны
Јурт ээлем јарымка тӧс тепсеҥде
06.12.2022
Јаҥар айдыҥ 3-чи кӱнинде Горно-Алтайскта В. И. Ленинниҥ адыла адалган тепсеҥде јурт ээлем јарымка ӧтти. Каланыҥ администрациязыныҥ јетирӱзинде айдылганыла, ондо јӱк ле Горно-Алтайсктыҥ аргачылары туружатан болгон.
Је оныҥ туружаачыларынаҥ кӧргӧндӧ, оны јаҥыс ла каланыҥ деп айдарга келишпей јат. Садыжуда Алтай Республиканыҥ бастыразына јуук аймактары турушты – Кош-Агаш, Улаган, Оҥдой, Кӧксуу-Оозы, Майма аймактардыҥ, Горно-Алтайсктыҥ бойыныҥ аргачылары.
Ондо јербойыныҥ товарлар эдеечилериле кожо Алтай крайдыҥ биске јуук райондорыныҥ, Новосибирский ле Кемеровский областьтардыҥ аргачылары база садышкандар.
Јарымкада товарлардыҥ ассортимент-бӱдӱми сӱрекей элбек болды — уйдыҥ, јылкыныҥ, сарлыктыҥ, койдыҥ, чочконыҥ, такааныҥ, индюктыҥ, кастыҥ, суугуштыҥ эди, талкан, јӧргӧм, чучук, колбаса, эттеҥ эдилген ӧскӧ дӧ аш-курсак, балыктыҥ башка-башка бӱдӱмдери, кузук, мӧт, кышкы јӱзӱн-башка кийим-тудум, пыймалар, унтылар, тӧӧниҥ, койдыҥ, эчкиниҥ тӱгинеҥ иирип эткен меелейлер, носоктор, ӧскӧзи де.
Кӱн соок то болгон болзо, јарымка эртен тураныҥ 10.00 саадынаҥ ала 16.00 саатка јетире иштеген.
Каланыҥ эл-јоны ла айылчылары јарымкага келип, текши тооло 14,7 тонна эт, 2300 килограмм балык, 350 килограммнаҥ кӧп мӧт лӧ ӧскӧ дӧ курсак-тамак садып алгандар.
Каланыҥ эл-јоныныҥ да, аргачылардыҥ да санаа-шӱӱлтезиле, мындый јарымканы Јаҥы јылга јетпей, база катап ӧткӱргени бастыразына тузалу болор.
ТОП
«Гуркин» деген телекей: ачылталар ла јажыттар
Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы
«Јурукчыныҥ јуртын орныктырары – тӧс иш»
Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны
«Баатырларыс ойгонып калды…»
(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым