Россия Федерацияныҥ Конституциязыныҥ кӱни

09.12.2022

1993 јылдыҥ јаҥар айыныҥ 12-чи кӱнинде текшиалбатылык ӱнбериш ажыра јӧптӧлгӧн лӧ јаҥар айдыҥ 23-чи кӱнинде окылу ийде алынган (2020 јылдыҥ јаан изӱ айыныҥ баштапкы кӱнинде кийдирилген кубулталарла) эҥ бийик учурлу нормативно-правовой акт ороондо кажы ла кижиниҥ тап-эригин корыйт.

Бу ла удабаган, јаҥар айдыҥ 3-чи кӱнинде, юристтердиҥ профессионал байрамы ӧтти. Конституция анчада ла кажы ла юристтиҥ ишмекчи столында кыйалтазы јогынаҥ јадатан тӧс бичик.
Алтай Республиканыҥ прокурорыныҥ элбек јетирӱлер эдер эп-аргаларла, эл-јонло колбу тудары аайынча болушчызы Яна Николаевна Туденева Россия Федерацияныҥ Конституциязы керегинде мынайда айдат: «Бис, ороонныҥ кажы ла гражданини, јӱрӱмистиҥ кажы ла эбиртӱзинде бу Тӧс јасакла башкарынадыс.
Прокуратураныҥ ижин алза, Тӧс јасак — учурыла эҥ баштапкы јерде турат. Кандый бир ширтӱге чыкканыста, элдеҥ ле озо бис Конституцияныҥ ээжилери бузулган ба, јок по деп кӧрӧдис, оноҥ федеральный конституционный јасакка кӧчӧдис, оноҥ ары ӧскӧ ууламјыларла федерал јасактар, нормативно-правовой акттар барып јат. Анайып ижистиҥ кажы ла ууламјызы Конституциядаҥ башталат».

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым