Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Јети мастерской тӧзӧлгӧн

13.12.2022

Алтай Республикада 2022 јылда профессионал ӱредӱниҥ эки организациязында јети мастерской тӧзӧлгӧн.

Темдектезе, Горно-Алтайскта М. З. Гнездиловтыҥ адыла адалган государстволык политехнический колледжте «Јиит профессионалдар» деп федерал ӱлекер аайынча тӧрт мастерской ачылды, олордыҥ ууламјылары мындый:
– искусство, дизайн ла јеткилдештердиҥ бӧлӱги: «Аргачылык», «Казанчылардыҥ профессиязы»;
– транспортты јеткилдеери ле логистика: «Кузовторды чыныктаары», «Јеҥил јорыкту кӧлӱктерди чыныктаары ла јеткилдеери».
Алтай Республиканыҥ ӱредӱ ле билим аайынча министри Ольга Саврасова ол мастерскойлордыҥ экӱзинде – «Кузовторды чыныктаары», «Јеҥил јорыкту кӧлӱктерди чыныктаары ла јеткилдеери» – болуп, олордыҥ ижиле танышты. Олор Ворлдскиллс Россия деп стандарттар аайынча јепселген.
«Кузовторды чыныктаары», «Јеҥил јорыкту кӧлӱктерди чыныктаары ла јеткилдеери» мастерскойлорго федерал бюджеттеҥ 4 млн 119 муҥ салковой акча чыгарылган. Мында иштейтен беш јерде јаҥы јазалдар тургузылган. Студенттер ченемелдӱ мастерлерге баштадып, 15-17 кижилӱ группаларла ӱренер.
«Јеҥил јорыкту кӧлӱктерди чыныктаары ла јеткилдеери» мастерскойды јепсеерине 12 млн 395 муҥ салковой барган.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина