Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Эмчиликтер јаҥы кӧлӱктерлӱ

16.12.2022

Тӱрген болуш јетирер УАЗ маркалу јаҥы 12 кӧлӱк Алтай Республикага келди. Јаҥар айдыҥ 12-чи кӱнинде Горно-Алтайсктыҥ тӧс тепсеҥинде олордыҥ тӱлкӱӱрлерин табыштырар кӧдӱриҥилӱ керек-јарак ӧтти.

Транспорт республикага Россияныҥ Минпромторгыла јӧптӧжӱ аайынча келген. Эки кӧлӱктеҥ Кӧксуу-Оозы, Улаган, Кош-Агаш, Турачак аймактардыҥ эмчиликтерине, бирдеҥ Кан-Оозы, Шабалин, Чой ло Оҥдой аймактардыҥ эмчиликтерине келишти.
«Кӧлӱктер бӱгӱнги кӱнниҥ некелтелерине бастыра јанынаҥ келижет, кижиниҥ јӱрӱмин аргадаарга чыҥдый ла тӱрген болуш јетирерине керектӱ јепселдерле јеткилделген. Машина полноприводный, тергеениҥ эҥ ле ыраак ла једерге кӱч јурттарында иштеерге тургуза ла белен» – деп, баштапкы вице-премьер Виталий Махалов айтты.
Алтай Республиканыҥ Эл Курултайыныҥ вице-спикери Герман Чепкин эмчиликтердиҥ ишчилерин сыйла уткуп, тӱлкӱӱрлер табыштырар мындый керектер јакшынак јаҥжыгу болуп калды деп айтты. Ол тӱрген болуш јетирериниҥ кӧлӱктери келгени тергеебисте баштамы медико-санитар болуш јетирериниҥ системазы ӧҥжип турганын керелейт деп јолду темдектеди.
Бу јылда анайда ок Алтай Республикага «Су-кадыкты корыырыныҥ баштамы звенозыныҥ модернизациязы» деген талалык проект ажыра 37 «Лада Гранта» келген.
Бу јеҥил маҥтадышту кӧлӱктер медицинаныҥ ишчилерин, пациенттерди, эм-тусты тартарына керектӱ. 2023 јылдыҥ баштапкы јарымјылдыгында база да тогус санитарный УАЗ келери темдектелет.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина