Энениҥ колыныҥ јылузы солдаттарга

24.01.2023

«Женщины Алтая – Алтайдыҥ Эпшилери» организацияныҥ Чамал аймакта бӧлӱгиниҥ турчылары аҥылу јуучыл операцияда турган уулдарга болужар амадула ӧткӧн јылдыҥ кӱчӱрген айынаҥ ала јаан иш ӧткӱрип јат.

– «Энениҥ колыныҥ јылузы» деген акцияла эпшилер солдаттарга јылу носоктор, меелейлер, манишкалар, курлар тӱӱйдилер. Иш тӱрген јылзын деп, бис јурт јеезелер аайынча бӧлӱнип алганыс. Темдектезе, Оностыҥ келиндери јӱк ле меелей-перчатка тӱӱйт, Чамалдыҥ – носоктор. Эликмонардыҥ ла Ороктойдыҥ – манишкалар. Калганчы ӧйдӧ јылу толстовкалар кӧктӧйдилер. Кезик эпшилер уйкузын да јылыйткан, санааларында – тӱӱр, тӱӱр, тӱӱр, уулдарга болужар, јеҥӱни тӱрген јууктадар – деп, бу акцияныҥ башкараачызы Дина Николаевна Меткечекова айдат.
Чаган айдаҥ ала эпшилер маскировочный дейтен сеткалар тӱӱп баштаган. Бӱгӱнги кӱнде тӧрт сетка белен. Бу јепсел јаан танкты јажырарына јарамыкту ла уулдарга да јӱрӱмдерин корулаарга керектӱ. Маскировочный сетканы тӱӱр шӱӱлтени Аскатта јаткан Елена Чевалкова эткен. Оныҥ јуучыл операцияга бойыныҥ кӱӱниле барган уулы јуу болуп турган јерде эҥ ле тыҥ не керектӱ болгонын айдып берет. Эпши маскировочный сетканы канайда тӱӱп турганын билип, эмди јерлеш эпшилерди ӱредип салган.
Дина Меткечекованыҥ айтканыла, блиндажта узак ӧйгӧ ӧчпӧс ӱспекчиндерди база олор эдип баштаган, оноҥ бу баштаҥкайга ӧскӧ аймактар коштонгон.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина