Јуучыл уулына – адазынаҥ

24.01.2023

Аҥылу јуучыл операция… Бу сӧстӧрдӧҥ кажыбыстыҥ ла јӱрегис чым эдет. Баатыр уулдарыс, ака-карындаштарыс, адаларыс тӧрӧлисти корулап турганы оморкодулу. Бис, айыл-јуртта арткандар, јеҥӱни јууктадарга, јуучылдарыска јӧмӧлтӧ-болуш јетирерге јаантайын чырмайадыс.

Бӱгӱн Улаган аймактагы Балыктујул јурттаҥ Салават Андреевич Тадышев јуучылдарыска Нива кӧлӱк јетирип, ыраак јолго чыкты. Оныла кожо гуманитар болушты КамАЗ апарат. Јол-јорукка барып јада, олор Акташ јуртка, Оҥдой, Шабалин, Майма аймактарга, тӧс каладагы Јуучылдардыҥ энелериниҥ биригӱзине кирип, белетелген гуманитар болушты јууган. Оморкодулу баштаҥкайды Улаган аймактыҥ албатызы јӧмӧжип, јуу-согушта туружып турган балдарына болужарга акция ӧткӱргендер. Бир канча ла кӱнге акция тергеебисти эбирип, болуш јетирерге кӱӱнзегендер бирлик болуп туруп чыктылар.

Луганск калага јетире јол ыраак. Бу мындый јол-јорук болорын Оҥдой аймактагы МЧС-тыҥ ишчилери угуп, кожо экинчи тискинчи кижи ийер деп шӱӱшкендер. Акту кӱӱнинеҥ Алексей Калкин кӱӱнзеп, С. А. Тадышевле кожо јолго чыккан.

Бӱгӱнги кӱнде Украинада бистиҥ јерлештерис кӧп. Олор ончозы јалтанбас јуучылдар. Је ӧштӱ ончо аргаларын тузаланып, башка-башка ороондордыҥ јуучыл јепселдерин тузаланат. Јуучыл операция ӧдӱп турган јерлерде кажы ла техника, ок-тары сӱрекей керектӱ.

Салават Андреевичтиҥ уулы кызу тартыжу ӧдӱп турган јерде. Кару балазына кандый болуш јетирерин адазы кӧп сананбаган да болор. Билези оны јӧмӧжип, кӧлӱкти алар, оны јетирер деп шӱӱлтеге келген. Ниваныҥ јоругын бис јакшы билерис: кандый да јаман јолдор болзо, ого не де эмес. Јуучылдарыска бир јердеҥ бир јерге тӱрген кӧчӱп јӱрерге бир эмеш те болзо јеҥилте болор. Мылтык-јепсел, ок-тары, бронежилеттер, јастык-тӧжӧк, аш-курсак… Айдарга да болбос јӱк. Балдары јуу-согушта туружып турган кажы ла ада-энениҥ јӱреги оорыйт, кандый бир болуш јетирерге чырмайат. С. А. Тадышев јол-јорукка чыгардаҥ озо тергеебистиҥ јуучыл комиссариадына баштанган, јол-јорукты шӱӱшкендер. Јуучыл комиссариат кожо барар чыгартулу кижизин темдектеген. Ӧрӧ турган Кудайыс болужын јетирип, Салават Андреевичтиҥ јолы ачык болор деп иженедис. Јуучыл балдарыс олорды энчикпей сакыгылайт. Адазыныҥ амадап алган учурлу сыйы уулына једип, ӧштӱни оодо согорына јаан камаанын јетиреринде алаҥзу јок.
Амыр-энчӱни јууктадып, јуу-согушты јеҥип, Тӧрӧлиске сӱӱнчини, амырды ончобыс кожо экелерис!

Хамида Толтокова

ТОП

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Положение о конкурсе стихов собственного сочинения, посвященном 20-летию молодежного приложения «Јылдыстык» газеты «Алтайдыҥ Чолмоны», «Јайым толкулар» («Вольные волны»)

УТВЕРЖДАЮ Приказом главного редактора АУ РА «Редакция газеты «Алтайдын Чолмоны» от 12.01.2023 №6 __________ Триянова С.В. Положение о конкурсе стихов собственного сочинения, посвященном 20-летию молодежного приложения «Јылдыстык» газеты «Алтайдыҥ Чолмоны», «Јайым толкулар» («Вольные волны») Общие положения Положение определяет условия, основы организации и порядок проведения конкурса, посвященного 20-летию приложения «Јылдыстык» республиканской массовой газеты «Алтайдыҥ Чолмоны».

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина