Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Баштапкы јерде – Кӱпчегенниҥ спортчылары

03.02.2023

Алтай Республиканыҥ Эл Курултайыныҥ депутаттары А. О. Амыевке ле Р. Н. Байдалаковко 2021 јылда Алтыгы Талду јурттыҥ хоккейле тазыктырынып турган балдардыҥ ада-энелери балдарга хоккейный экипировка аларга болуш сурап баштаган. Онойып, 2022 јылдыҥ бюджедине 200 муҥ салковой акча-манат салылган. Ол акчага 16 бала кийетен шлемдер, формалар, бриджилер, гетрылар алылган.

2023 јылдыҥ чаган айыныҥ 26-чы кӱнинде јурт јеезениҥ јааны Д. Я. Кохоев мячту хоккейле 2011-2014 јылдардыҥ балдары ортодо јурт администрацияныҥ сыйына учурлалган маргаанды ӧткӱрди.

Маргаанныҥ туружаачылары: «Атлант» – Горно-Алтайск команданыҥ кыстары ла уулдары колый, тазыктыраачызы А. Ю. Чернышов, «Чарас» кыстар ла «Чарас» уулдар, тазыктыраачызы Э. В. Едеков, Курайдаҥ келген команданыҥ тазыктыраачызы С. К. Белееков, Кӱпчегенниҥ хоккеисттериниҥ тазыктыраачызы М. М. Кухаев, Оҥдойдыҥ ла Ленин-Јолдыҥ командаларыныҥ тазыктыраачылары Б. Л. Еликов ло А. Я. Яилгаков.

Командаларды эки бӧлӱкке бӧлӱп (подгруппа), ойындар башталды. Кере тӱжине кар кырмактап јааган да болзо, маргаан бийик кеминде ӧтти. Маргаанда 2-5 класстардыҥ оогош балдары ойногон. Олордыҥ кемизи де тазыгып калган, кемизи де јаҥы ойноп баштаган. Је ондый да болзо, балдар чырмайып, бар јок кӱчин салып ойнодылар. Анчада ла «Атлант» команданыҥ кызычактары тыҥытту ойноп, јеҥер деген амадула учына јетире тартыштылар. Онойып, кызу тартыжулардыҥ шылтузында 1-кы јерди Кӱпчегенниҥ командазы алды. 2-чи јерде Ленин-Јолдыҥ ла 3-чи јерде Курайдыҥ командалары болды.

Маргаанда 100-теҥ ажыра туружаачы эрчимдӱ турушты. Туружаачыларды изӱ аш-курсакла бистиҥ балдардыҥ ада-энелери тойо азырады. Кышкы кӱн кыска болуп јат. Кӧп ойындар ойноор керек. Мындый шылтактаҥ улам маргаанныҥ ачылтазын ла јабылтазын јаба эткендер.

Јурт јеезениҥ јааны Даниил Яковлевич маргаанныҥ туружаачыларын уткуп, јилбилӱ ойын кӧргӱскен балдарды темдектеди. Олорго спортто мынаҥ да ары бийик једимдер кӱӱнзеди. Ол јуулган улусты АР-дыҥ Эл Курултайыныҥ туризмниҥ ичкери ӧзӱми, аргачылык, спорт ло јашӧскӱримниҥ политиказы аайынча комитединиҥ председатели С. К. Тимошенскийле таныштырды. С. К. Тимошенский ле А. О. Амыев јурттыҥ ада-энелериниҥ сурагына ајару эдип, кыс-ка ӧйдиҥ туркунына болужып бергени оморкодулу. Депутаттар эл-јонныҥ јадын-јӱрӱмиле, јӱрӱмдик сурактарыла јилбиркеп, ӧйин келиштирип, мындый кӧдӱриҥилерге, маргаандарга келип турганы јакшы керек. Маргаанныҥ ээлери олорго кур курчадылар.

Сергей Константинович маргаан-ныҥ туружаачыларын ла айылчыларды, эл-јонды изӱ уткуп, оогош балдардыҥ јараш ла эрчимдӱ ойынын темдектеди. Оогош јуртта балдардыҥ спортына јаан ајару салып, мындый маргаандар ӧткӱрилип турганыла оморкоп турганын айтты. Ол онойдо ок маргаанга айттыртканы учун јаан быйанын айдып, спортчыларга јаҥы једимдер, јеҥӱлер кӱӱнзеди. Аткыр Олегович бойыныҥ уткуулду сӧзин база айтты. Ол онойдо ок Р. Н. Байдалаковтыҥ адынаҥ балдарды, айылчыларды, кӧрӧӧчилерди уткуды. Рустам Николаевич маргаанга келерге амадаган, је ижи-тожынаҥ улам келип болбогон деп айтты.

Эл Курултайдыҥ депутаттары Алтыгы Талдуныҥ командазына хоккейный экипировканы сыйладылар. Бистиҥ јурттыҥ командазыныҥ балдары ӱч депутатка бойлорыныҥ ады-јолдорын бичип салган клюшкаларды сыйладылар.

Маргаанда эҥ артык каалгачы Дамир Казакпаев (Курай), корулаачы Чалын Темеев (Кӱпчеген) ле табараа-чы Кӱлер Кохоев (Ленин-Јол) темдектелди. Байгалу 1-кы, 2-чи ле 3-чи јерлер алгандарга медальдар, грамоталар, онойдо ок 1-кы јер учун Кубок кӧдӱриҥилӱ айалгада табыштырылды. Бийик кайралдарды јолду ээлерине Даниил Кохоев, Сергей Тимошенский, Аткыр Амыев, Солум Меркитов (школдыҥ јааны) табыштырдылар.

Мен Эл Курултайдыҥ депуттарына бойымныҥ, онойдо ок балдардыҥ ада-энелериниҥ адынаҥ јаан быйанымды айдадым. Јурт јеезениҥ јааны Д. Кохоевке јаан маргаанды ӧткӱрип, сый эткен учун балдардыҥ адынаҥ быйанымды јетиредим. Балдарын ӧрӧ кӧдӱрип, јаантайын јӧмӧлтӧ-болужын јетирип турган ада-энелерге, онойдо ок улай ла спонсор болуп турган М. Я. Яилгаковко, ӱч јылдыҥ туркунына тош арчыырга керектӱ тракторло јеткилдеген уулым Кӱлер Яилгаковко јаан быйан.

Алексей ЯИЛГАКОВ,
Н. В. Кулачевтиҥ адыла адалган ДЮСШ-ныҥ тазыктыраачызы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина