Евгений Корчагинниҥ эземине

14.02.2023

Бу амыраар кӱндерде Горно-Алтайскта полицияныҥ капитаны Евгений Юрьевич Корчагинниҥ эземине учурлай хоккейле XI ачык республикан маргаан ӧткӧн.

Евгений јаштаҥ ала спортты сӱӱген, хоккей ле футбол ойногон, аймак ла республикан кеминде маргаандардыҥ јаантайынгы туружаачызы болгон. Кичӱ тӧрӧлинде спорттыҥ бу бӱдӱмдерин ӧскӱрерге, чыдап јаткан ӱйени спортко тартарга амадаган. Је 2012 јылдыҥ сыгын айыныҥ 18-чи кӱнинде Шашыкман јурттыҥ улузын каршучылдаҥ корулап јадала божогон.

Ижи аайынча молјузын бӱдӱрип тура јалтанбазын кӧргӱскени учун РФ-тыҥ президентиниҥ јарлыгыла Евгений Корчагин Јалтанбазыныҥ ордениле кайралдаткан.
Маргаанныҥ кӧдӱриҥилӱ ачылтазында турушкан АР-дыҥ Эл Курултайыныҥ председатели Артур Кохоев спортчыларга јараш ойын кӱӱнзеп, капитан Корчагинниҥ јерлежи, аҥылу јуучыл операцияныҥ туружаачызы Ратмир Алексеевич Санашкинге РФ-тыҥ президентиниҥ јарлыгы аайынча берилген Јалтанбазыныҥ орденин табыштырган.

Республикан парламенттиҥ спикери «тургуза ӧйдӧ служебный ла јуучыл молјузын бӱдӱрип тургандардыҥ бу эки уул чылап чындык учун тартыжарына бӱдедим» деген.
Ӧткӧн маргаанныҥ турулталарыла баштапкы јерди Кош-Агаш аймактаҥ келген Тӧбӧлӧр јурттыҥ хоккеисттери алган. Экинчи јер база ла бу аймактыҥ Кӧкӧрӱ јуртыныҥ спортчыларында. Ӱчинчи јерге Улаган аймактыҥ Балыктујул јуртыныҥ командазы чыккан.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина