Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

ЛНР-да јуучылдарысла туштажу

17.02.2023

Алтай Республиканыҥ башчызы Олег Хорохордин Луганский Албаты Республикага јол-јорукла јӱрӱп, аҥылу јуучыл операцияда туружарына Алтай Республикадаҥ мобилизацияла, бойыныҥ кӱӱниле, контрактла барган јуучылдарла тушташкан.

Бистиҥ тергеедеҥ барган элчилердиҥ тоозында анайда ок баштапкы вице-премьер Эжер Ялбаков, Горноалтайский ле Чемальский архиепископ Каллистрат, Алтай Республиканыҥ Ӧзӱминиҥ тӧс јериниҥ башкараачызы Михаил Грудинин болгондор.

Тергеениҥ башкараачызы јуучылдарла черӱчилдерди толо јеткилдеериниҥ, олордыҥ билелерин јӧмӧӧриниҥ, ол тоодо балдардыҥ садтарына балдарын очередь јогынаҥ аларыныҥ, детсадтарга тӧлӧгӧн тӧлӧмирлердеҥ јайымдаарыныҥ ла школдордо акча тӧлӧбӧзинеҥ азыраарыныҥ сурактарын шӱӱшкен.


«Јӧмӧлтӧниҥ тергее кеминде јӧптӧлгӧн керектери толо кеминде бӱтпей турганы керегинде ас-мас јетирӱлер бар. Бу баштанулар кыракы шиҥделер, мындый учуралдар чек болбос учурлу» – деп, Олег Хорохордин угускан.

Јуучылдарга бригадазын толо кеминде јеткилдеерге јаҥы јазалдар – тепловизорлор, квадрокоптерлер, радиостанциялар, монокулярлар, рациялар, бинокльдар ла кӧп ӧскӧзи де јетирилген. Олордыҥ кӧбизи республиканыҥ бюджединиҥ акчазыла алылган, анайда ок бистиҥ аргачылар, «Јуучыл керектердиҥ ветерандары» ла «Вымпел» деген јондык биригӱлер, Солдаттардыҥ энелериниҥ соведи, Албаты фронттыҥ ла Алтай Республиканыҥ Ӧзӱминиҥ тӧс јери болуш јетирген.

Республиканыҥ башчызы черӱчилдерди Тӧрӧлин коручылардыҥ келип јаткан байрамыла уткуп, кичӱ Тӧрӧлинеҥ экелген сыйларды – чайды, мӧтти, бальзамдарды, мӧштиҥ кузугын ла балдардыҥ самараларын табыштырган. «Алтайдыҥ Чолмоны» ла «Звезда Алтая» республикан газеттердиҥ редакциялары аҥылу јуучыл операцияда турушкандарга учурлап, олорго јетирген гуманитар болуш ла јонјӱрӱмдик јӧмӧлтӧ, о. ӧ. јетирӱлерлӱ аҥылу газет чыгарган. Оныҥ тиражыныҥ кезиги јуучылдарга јетирилген.


«Ончозын фронтко!», «Ончозын Јеҥӱге!» деген кычырулар бӱгӱн катап ла учурлу болуп јат ла јуучылдарды јӧмӧгӧни, бистиҥ бирлигис ле тууразында артпаганыс учун мен эл-јонго быйанымды айдадым. Јаткан эл-јоныныҥ тоозыла бис јаан эмес тергее де болзобыс, јуучыл керектер ӧткӧн јерлерге 60 тоннадаҥ ажыра гуманитар болуш аткарылган ла бу иш бир де токтобой, улалганча» – деп, республиканыҥ башчызы темдектеген.


Бу ончозы јуучылдарга ийде-кӱч кожот, јерлештери олорды јӧмӧп турганын эзедет ле аҥылу јуучыл операцияныҥ Россияныҥ президенти Владимир Путин темдектеген амадуларына једерин јууктадат деп, ол айткан.


«Јуучылдар јерлештерине јаан эзенин ле быйанын јетирет. Олордыҥ санаа-кӱӱни бийик ле «Бистиҥ керегис – чын керек, Јеҥӱ бистиҥ јаныста болор!» деп быжу сананадылар» – деп, Олег Хорохордин аҥылап темдектеген.


Алтай Республиканыҥ башчызы «Граждандардыҥ кезик бӧлӱктерине јӧнјӱрӱмдик јӧмӧлтӧ эдер иштер керегинде» јакаанга черӱчилдерди ле олордыҥ билелерин јӧмӧӧр ӱзеери керектерди кожоры јанынаҥ кубулталар кийдирген. Ол аайынча черӱчилдердиҥ билелериниҥ балдарына детсадтарда јерлер элдеҥ озо берилер тап-эрик јӧптӧлгӧн. Бого ӱзеери, ӱренчиктер ле тергеениҥ техникумдарыныҥ ла колледжтериниҥ студенттери болгондор, балдардыҥ садтарына јӱргендер изӱ аш-курсакла јеткилделер учурлу, школго јӱргелек балдардыҥ эне-адалары тӧлӧгӧн тӧлӧмирлеринеҥ јайымдалар.


Јӧмӧлтӧниҥ ӱзеери керектериниҥ тоозына анайда ок черӱчилдердиҥ балдарын тергеениҥ јеринде акча тӧлӧбӧзинеҥ амырадары ла су-кадыгын орныктырары, медициналык орныгу ӧйинде, профессионал ӱредӱ аларына ла ӱзеери профӱредӱлӱ болорында болуш јетирери ле ишке кирерине јӧмӧӧри.


Бого ӱзеери, бӧлӱктей мобилизацияла черӱчил болуп барган уулы 23 јашка јетире билелерге кӧп балдарлу биле деген статус узадылар кубулталар тергеениҥ јасактарына эдилген.

АР-дыҥ башкарузыныҥ пресс-службазы

 

 

 

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина