Јастыҥ байрамы — Горно-Алтайскта

28.02.2023

Горно-Алтайсктыҥ тӧс тепсеҥинде кочкор айдыҥ 26-чы кӱнинде Масленица 4 муҥ кижини јууп, элбеде темдектелди.

Бу албатылык байрамда тергееде јаткандарды ла оныҥ айылчыларын Алтай Республиканыҥ башчызы Олег Хорохордин, Эл Курултайдыҥ вице-спикери Герман Чепкин, Горно-Алтайск каланыҥ мэри Ольга Сафронова уткудылар.

«Масленица байрам јаҥыс ла бийик кӱӱн-санаа сыйлазын. Бек су-кадык, амыр-энчӱ ле јеткил болзын» — деп, тергеениҥ башчызы эл-јонго кӱӱнзеген.

Масленица байрам, орооныстыҥ, республиканыҥ ла каланыҥ эл-јонын бириктирет: «Јастыҥ башталганын керелеп, јакшыныҥ ла јарыктыҥ ижемјизин јетирет» — деп, каланыҥ мэри кажы ла билеге сӱӱнчи ле ырыс-кежик кӱӱнзеди.

Тӧс тепсеҥде јайаандык ӧмӧликтер турушкан јаркынду театрал кӧргӱзӱ болды.

Онойдо ок Масленицада албатылык устардыҥ иштери кӧргӱзилген. Саламнаҥ эткен наадайды ӧртӧӧринеҥ ӧскӧ, база бир аҥылу темдеги – блина эмей. Најылыктыҥ туразыныҥ ла каланыҥ администрациязыныҥ ишчилери чай ла блина белетеп, келген бастыра улусты кӱндӱлеген.

Блинаны кӱнге тӱҥейлеп, тегерийте быжырып, кӱнди кӱндӱлейт. Кӱн тоҥ јерди эргизип, ӧлӧҥ-чӧптӧ, маала ажында кӧп, јакшы тӱжӱм берер деп орус албаты јебреннеҥ бери бӱдӱп, јаҥжыгуларын улалтат.

Балдар ортодо ӧткӱрилген јӱзӱн-башка солун маргаандар, анайда ок јаан улус ортодо ӧткӧн маргаандар, ол тоодо тош столмого чыгары, армакчы тартары ла оноҥ до ӧскӧзи келген улустыҥ кӱӱн-санаазын кӧдӱрген.

Командалар ортодо анайда ок спорт маргаандар база ӧткӧн. Масленицаныҥ эҥ кӱч, је јилбилӱ маргаанында, эпчил ле ийделӱ 19 эр турушкан. Олор тош столмого чыккан. Маргаандардыҥ јеҥӱчилдерине јакшынак сыйлар табыштырылган.

Башка-башка фотозоналар иштеген. Ол ортодо албаты фронттыҥ волонтерлоры «Все для Победы» деп акция керегинде куучындагандар.

Байрамныҥ учында, јаҥжыкканы аайынча, саламнаҥ эткен наадайды ӧртӧп, оны айландыра хоровод ӧткӱрилген.

Айару ЧЕКОНОВА
Евгений БУТУШЕВТИҤ фотојуруктары

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым