Эҥ артык ла баштапкы

07.03.2023

Ӧткӧн неделе – «Алтай Республикадагы педагогикалык ууламјыныҥ устарыныҥ неделези» деп адалган. Тулаан айдыҥ 3-чи кӱнинде неделениҥ уч-турулталарын эдер, эҥ артыктарды кайралдаар кӧдӱриҥи бийик кеминде ӧтти.

Алты башка конкурста турушкан педагогтордыҥ эҥ артыктарыныҥ тоозына киргендерди адап ийели: «Алтай Республикада 2023 јылдыҥ таскадаачызы» – Яна Тадыкина (Горно-Алтайсктагы балдардыҥ 7-чи таҥмалу сады); «Алтай Республикада 2023 јылдыҥ ӱредӱчизи» – Виталий Козаченко (Ӱстиги Оймонныҥ школында информатиканыҥ ӱредӱчизи); «Кижини таскадар-2023» – Эркелей Иртаева (республикан классический лицейде английский тилдиҥ ӱредӱчизи); «Педагогикалык дебют-2023» – Ольга Дьякова (Сӧӧй јурттыҥ школыныҥ баштамы класстарыныҥ ӱредӱчизи); «Удура алтам-2023» – Ирина Афанасьева (Горно-Алтайсктагы 13-чи таҥмалу школдыҥ педагог-психологы); «Јылдыҥ узы» – Виктор Басаргин (Кӧксуу-Оозындагы техникумныҥ производственный ӱредӱниҥ узы).

Фотојуруктаҥ слер Алтай Республиканыҥ башкарузыныҥ председателиниҥ ордынчызы Динара Култуева Эркелей Иртаеваны кайралдап јатканын кӧрӧдигер. Эркелей Валерьевна «Кижини таскадар-2023» деген конкурста баштапкы! Английский тилдиҥ ӱредӱчизи ижинде эмдиги ӧйдиҥ ӱредӱлик технологияларын эрчимдӱ тузаланат. Оныҥ ӱренчиктери «Эркелей Валерьевна биске јозок, тем алатан кижи, сӱӱген ӱредӱчибис» – деп айдыжып, кару ӱредӱчизи учун тыҥ «оорыгандар».
2021 јылда Эркелей Иртаева лицейде Россиядагы ӱренчиктердиҥ кыймыгузыныҥ (РДШ) клубыныҥ бӧлӱгин ачкан, бу клубтыҥ ижин ол лицеисттерле кожо бийик кеминде апарып јат. Эмди оныҥ ӱренчиктери текшироссиялык ла талалык конкурстарда јаантайын јеҥӱлер алат.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина