Чынык иштер башталды

10.03.2023

Школыс кӱскиде бӱдер, балдарыс јараш ла эптӱ школдо ӱренер деп, Кӧзӱл јуртта jаткан кажы ла кижи энчикпей сакып jат ошкош. Чындап та, элентизи jеткен тудумда чынык иштер öткÿрилерин эл-jон туку качаннаҥ бери некеген.

Jе, карын, јарым айдаҥ ажыра кайра мында чынык иштер башталды. Тулаан айдыҥ баштапкы кӱнинде ол иштердиҥ ӧдӱп турган аайын кӧрӧргӧ Алтай Республиканыҥ башкарузыныҥ јааныныҥ ордынчызы, школдордогы капитальный ремонтторды ширтеп кöрöр аҥылу штабтыҥ башкараачызы Д. А. Култуева, Кан-Оозы аймактыҥ јааны Р. В. Кокушев, оныҥ ордынчызы А. С. Сабин ле школдыҥ директоры, Эл Курултайдыҥ депутады А. А. Ябыева барып јӱрдилер.

Jурттыҥ школыныҥ капитальный ремонт иштерине 43 млн салковой акча чыгарылган. Капремонт школдыҥ эки тудумында öдöр – баштамы школдыҥ бир кат ла орто ÿредÿлÿ школдыҥ эки кат тураларында. Тургуза öйдö «Эл Телеком» ООО-ныҥ ишчилери баштамы школдыҥ jабынтызын солып jат, jаан школдыҥ «ичи-буурын» коскорот – эски полдор, кöзнöк-эжиктер кодорылат. Подрядчик тöзöлмöниҥ jааны Д. В. Тадыровтыҥ айтканыла, келер ÿредÿлÿ jылды ÿренчиктер кыйалтазы jогынаҥ чыныкталган школдо баштаар.
Кӧзӱлдиҥ J. Т. Тоедоевтыҥ адыла адалган школында 77 ÿренчик. Ӱчинчи четвертьтеҥ ала олор jурт jеезениҥ туразында ла ФАП-та ÿренип jадылар. Ол тудумдар бойлоры да эски, jе балдар да, ÿредÿчилер де, ада-энелер де комудабайт. Ӱредÿлик иш бир де бузулбай, бойыныҥ аайыла барып jат. Ажаныш удурумга балдардыҥ садында тöзöлгöн.
Быjыл Кан-Оозы аймакта база бир jаан чынык иш Мöндÿр-Соккон jуртта öдöри темдектелген. Былтыр ÿредÿлик jылдыҥ бажында jурттыҥ орто ÿредÿлÿ школы кÿйÿп калган деп, кöп улус билер. Jе öрттöҥ дö озо jурттыҥ баштамы ол школы jазалар деп окылу jöптöлип калган болгон. Айдарда, оныҥ аайыла бу ла jуукта чынык иштер башталган. Ого бюджеттеҥ 17 миллион салковойдоҥ ажыра акча чыгымдалар.

Бÿгÿн Мöндÿр-Сокконыҥ И. В. Шодоевтиҥ адыла адалган школында 120 ÿренчик билгирлер алат. Олор удурумга jурт jеезениҥ, Культура байзыҥныҥ ла 2022 jылда чыныкталган ла кöдÿриҥилÿ айалгада ачылган культурно-досуговый тöс jерде ÿренип jадылар.

Текши алзабыс, 2023 jылда школдордо капитальный ремонттор öткÿрер программала ороондо 1527 тудум чыныкталар, Алтай Республикада дезе 12 школ jазалар. Ол иштерге 540 миллион салковойдоҥ ажыра акча чыгымдалар. Бу адылу программаны jÿрÿмде «Единая Россия» партия ла РФ-тыҥ ӱредӱлик аайынча министерствозы бÿдÿредилер. 2022 jылда бистиҥ тергеебис озочылдардыҥ тоозына киргени оморкодулу.

Айару Тохтонова
Автордыҥ фотоjуруктары

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым