Алтайыстаҥ эзенди јетирдис

14.03.2023

«Јакшы, јерлеш! Привет, братья!» – уулдарла јолугала, мынайып кучакташтыс.

Горно-Алтайск, Кан-Оозы, Кӧксуу-Оозы, Улаган, Оҥдой, Турачак, Кош-Агаш, Шабалин, Чой – аҥылу операция ӧдӱп турган јерде јӱк ле бу аймактардаҥ јерлештериске јолугарга келишти.

Сенатор Владимир Полетаевле Лугансктыҥ Албаты Республиказына барып, бу ла јуук ӧйдӧ РФ-ка кирген јерлердиҥ эл-јонын корып, јуучыл амадуларды тынын кысканбай бӱдӱрип турган јуучылдарыска јолуктыс.

Передовойго јеттис. Бек кучактажып, куучындажып, техјазалдарла јеткилдеш јанынаҥ курч сурактарды ла онойдо ок олордыҥ билелерин јӧмӧӧрин шӱӱштис.
Уулдарга Алтай Республикада јуулган кошты табыштырдыс: квадрокоптерлерди, тактикалык каскаларды, генераторлорды, маскировочный сетьтерди, прицелдерди, тепловизорлорды, аш-курсакты ла оноҥ до ӧскӧзин.

Депутат, кожо иштеп турган Сергей Мазалов, волонтерлор Амаду Майчиков, Салават Тадышев ле ӧскӧ дӧ јерлештерис ӱйдежип экелген гуманитар кошту караванды кӧрӧргӧ ӧкпӧӧриштӱ ле оморкодулу болды.

Кошты јуурында, аткарарында туура калбай болушкан аргачыларга, эл-јонго, депутат-коллегаларымга, «Единая Россия» партияныҥ АР-да тергеелик бӧлӱгиниҥ, АР-дыҥ Москвадагы элчилигиниҥ ишчилерине акту кӱӱнимнеҥ быйан айдар кӱӱн бар.

Уулдарыстыҥ јуучыл кӱӱнин кӧдӱрерге бисле кожо артисттерис Добрыня Сатин ла Константин Балахнин барып јӱрген. Кожоҥдорыла кожо олор јуучылдарыска тӧрӧл кырларыстыҥ кейин экелгендий болды. Олорды угала, кӧп уулдардыҥ кӧстӧри јашталып та турды.

Мындый туштажулар јуучылдарыска олорды јӧмӧп, сакып, алкап, олорго иженип јӱргенин база катап кӧргӱзет, бӱдӱмји берет. Куучын ӧйинде уулдарыстыҥ темдектеген сурактарын тӱрген-тӱкей аайлаштырарыс.

Алтайыстаҥ эзенди јерлештериске тӧкпӧй-чачпай jетирдис!

АР-дыҥ Эл Курултайыныҥ спикери
Артур Кохоевтиҥ ВКонтактеде бӱгинеҥ

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым