Настройки отображения
Настройки шрифта:
Выберите шрифт Arial Times New Roman
Интервал между буквами (Кернинг): Стандартный Средний Большой
Выбор цветовой схемы:
Алтайдын Чолмоны
Јӱрӱм, ӧй – ойгорлык санаалар
17.03.2023
Тулаан айдыҥ 10-чы кӱнинде АР-дыҥ Эл Курултайында архитектор, инженер-строитель Павел Ойношевтиҥ Ӱй улустыҥ телекейлик кӱнине учурлалган «Јаскы мозаика» деп графикалык јуруктарыныҥ таҥынаҥ кӧрӱзи ачылды.
Солун кӧрӱни Эл Курултайдыҥ Председателиниҥ ордынчызы Герман Чепкин уткуулду сӧзиле ачты: «Павел Петровичтиҥ јайаан ижи сӱрекей јилбилӱ. Оныҥ јуруктарында – јӱрӱм, ӧй лӧ јер керегинде ойгорлык санаалар. Кажы ла јуругы кижини кайкадат, санандырат. Байла, архитектуралык профессиязыныҥ камааны јеткен».
Анайда ок уткуулду сӧстӧрин АР-дыҥ Јурукчылар биригӱзиниҥ турчызы, искусствоведениениҥ кандидады Алексей Эдоков, Шабалин аймактыҥ јааныныҥ баштапкы ордынчызы Эркеш Чылбашев, АР-дыҥ госслужбазыныҥ ветераны Владимир Петров, чой кӧдӱрер спорттыҥ телекейлик чемпиондоры Вячеслав Ельдепов ло Сергей Саймин айттылар.
Алтай Республиканыҥ олимпий совединиҥ президенти, Шабалин аймактыҥ аймак башчызы Александр Телесов јуулган улусты кӧрӱниҥ ачылтазыла уткуп, мынайда айтты: «Бис јерлежис Павел Петровичти мындый кӧрӱзи ачылганыла уткуп турубыс. Бу оныҥ база бир јаан једимдериниҥ бирӱзи. Јайалталу јерлежистиҥ јуруктарын јиит ӱйе кӧрӱп, бойлорына база јайаан јолын ачып, архитекторлор, јурукчылар табылардаҥ айабас. Оныҥ учун Эл Курултайдыҥ председателине, ордынчызына, ишчилерине бу кӧрӱни ачып, ӧткӱрип јаткандарына јаан быйан. Павел Петровичти јӧмӧп, келер ӧйдӧ тӧрӧл Шабалин аймактыҥ администрациязында кӧрӱзин ачарыс. Школдыҥ балдары јерлежисти билип, оморкоп јӱрзин. Павел Петровичтиҥ јуруктарын кӧргӧҥдӧ, Эрлик бийле де туштажарыҥ, Ӱч-Курбустанга да чыгарыҥ. Павел Петрович, јайаан ижигер кӧнӱ улалып барзын. Кечкен кечӱлерер тайыс болзын, ашкан ажуларар јабыс болзын!».
Павел Ойношев 1956 јылда кандык айдыҥ 19-чы кӱнинде Шабалин аймактыҥ Беш-Ӧзӧк јуртында чыккан. 1979 јылда Барнаулдагы строительный техникумныҥ архитектуралык бӧлӱгин ӱренип божоткон. 1982 јылга јетире Улан-Удэде проектный институтта иштеген. 1987 јылда Восточно-Сибирский технологический институтты божодып, инженер-строительдиҥ ӱредӱзин алган.
Алтай Республикада Павел Ойношевтиҥ ӱлекерлери аайынча автотранспортный инспекцияныҥ туразы (Горно-Алтайск, 1992 ј.), Оҥдойдо Сбербанктыҥ туразы (1993 ј.) тудулган. 2004-2005 јылдарда УКС-2-де баш специалист болуп иштеп тура, ол Кош-Агашта, Ортолыкта, Мукур-Таркатыда, Бел-Ажуда јер силкиништиҥ салтарын јоголтор тудум иштеринде турушкан. Чой аймактыҥ Паспаул јуртында Улу кайчы Николай Улагашевтиҥ музейи база Павел Петровичтиҥ ӱлекериле тудулган.
П. Ойношев јуранарын 2009 јылда бир тизӱ бичиктерге иллюстрациялардаҥ баштаган. Оныҥ јайаандык иштеринде јӱрӱмниҥ бойын, «материальный» телкемин, јерин кӧрӧдис. Ондо тӧс јерде кижи турат.
Павел Петровичке база да кӧп сӱрлӱ, јараш јуруктар чӱмдезин, солун кӧрӱлерле бисти кайкатсын деп кӱӱнзейдис.
Виктория БАДАКИНА
ТОП
«Гуркин» деген телекей: ачылталар ла јажыттар
Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы
«Јурукчыныҥ јуртын орныктырары – тӧс иш»
Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны
«Баатырларыс ойгонып калды…»
(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым