Тӧс ајаруда — эл-јонды кызалаҥ айалгалардаҥ корыыры

17.03.2023

АР-дыҥ башчызы Олег Хорохордин тергееде кызалаҥ айалгаларды болдыртпазы ла олордыҥ салтарларын јоголторы, ӧрт болбозын јеткилдеери аайынча республикан камыстыҥ јуунын тулаан айдыҥ 15-чи кӱнинде ӧткӱрген.

Бу јуун эки кӱнниҥ туркунына ӧдӱп јаткан текшироссиялык командно-штабной ӱредӱниҥ кеминде ӧткӱрилген. Ӱредӱ-тазыктыруныҥ ӧйинде 2023 јылда јаскы сууларла, ар-бӱткенде ӧрт-јеткердеҥ улам болгодый кызалаҥ айалгаларла колбулу сурактар тӧс ајаруда болгон. Башчыныҥ темдектегениле, бу ӱредӱ-тазыктыруныҥ баштапкы бӧлӱги ӧйинде тергеелик МЧС-тыҥ аргаларын кызалаҥ айалгалар болдыртпазына ла олордыҥ салтарларын јоголторына билгир ууландыра тузаланары быжулай шиҥделип кӧрӱлер.

Граждан корулаш, кызалаҥ айалгалар ла ӧрт болдыртпазы аайынча республикан комитеттиҥ јааны Юрий Леонтьев ӱредӱ кандый ууламјыларла ӧдӧриле таныштырган. Темдектезе, Горно-Алтайскта, Чой ло Майма аймактарда јаскы суулар керде-марда јарадынаҥ ажынып баштаза, јербойында нени эдери јанынаҥ јартап айткан. Горно-Алтайсктыҥ мэри Ольга Сафронова, Чой аймактыҥ јааны Игорь Русских ле Майма аймактыҥ јааныныҥ баштапкы ордынчызы Николай Абрамов јербойында кызалаҥ айалгалар болдыртпазы ла олордыҥ салтарларын јоголторы јанынаҥ кандый белетеништӱ иштер ӧткӱрилгени керегинде јетирӱлер эткен.

Россияныҥ МЧС-ыныҥ Алтай Республика аайынча баш башкартузыныҥ јааны Андрей Бурлаков кызалаҥ айалгаларды болдыртпазы јанынаҥ иштейтен оперативный штаб тӧзӧлгӧни ле ол кандый иштер ӧткӱргени керегинде куучындаган.

Каланыҥ ла аймактардыҥ јаандарына јаскы суулар аайынча суракты кажы ла кӱнде ајаруга алзын, јурт јеезелерде јаскы суулардыҥ кемин шиҥдеп турар удурум посттор тӧзӧзин, уур-кӱч айалгалар боло берген јерлердӧӧн оперативный группалар аткарарын озолондыра тӧзӧп салзын деп јакылталар берилген.

Олег Хорохординниҥ темдектегениле, бистиҥ респуб-ликаныҥ јериндеги бӱгӱнги айалга јаскы суулар јанынаҥ суракты јаантайын ајаруда тударын, тӧзӧмӧлдӱ иштерди озолондыра толо кеминде јеткилдеп саларын некейт деп айткан. Кар кайылыш ла јаскы суулар јанынаҥ айалга кандый болоры тулаан айдыҥ учы кирезинде чокумдала берер. Тургуза ӧйдӧ јербойындагы кардыҥ кеми канча кире болгоны јанынаҥ шиҥжӱлер ӧткӱрилет.

«Айалга амыр-тыш болорына иженбес керек. Бу ӱредӱниҥ туружаачылары јаскы сууларла, ар-бӱткенде ӧрттӧрлӧ колбулу суракка јаан ајару этсин. 2014 јылда кар кайылыштыҥ экинчи толку-бӧлӱги ӧйинде тыҥ јааштар болгонынаҥ улам јаан чайык болгонын кем де ундыбаган. Оныҥ да учун бис кандый ла уур-кӱч айалгаларга, эл-јонды кызалаҥ айалгалардаҥ корулап аларына белен болор учурлу» — деп, башчы айткан.

Ӱредӱ-тазыктыру ӧйинде Горно-Алтайсктыҥ тӧс тепсеҥинде тергеелик МЧС-тыҥ јаскы сууларла колбулу кызалаҥ айалгалардыҥ салтарларын јоголторында тузалангадый техниказыныҥ ла аргаларыныҥ кӧрӱзи ӧткӱрилген.

Ӱредӱниҥ экинчи кӱнинде ӧрт болдыртпазыныҥ сурактары аайынча ӱредӱ-тазыктыру ӧткӧн.

АР-дыҥ башкарузыныҥ пресс-службазы

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым