«Крым – Россия» – ӱргӱлјикке кожо!

21.03.2023

Туй ла 9 јыл мынаҥ кайра Крымныҥ ла Севостопольдыҥ эл-јоны референдум ӧткӱрип, бойыныҥ Тӧрӧлиле – Россияла бириккен. Кемге де бу кӱн байрам эмес, јаан политика. Је Крымныҥ Россияга бириккени јаҥы тӱӱкиде јаан учурлу, оны ајаруга албас арга јок.

Оныҥ учун тулаан айдыҥ 18-чи кӱнинде орооныста ла тергеебисте башка-башка керек-јарактар ӧтти. Горно-Алтайсктыҥ тӧс тепсеҥинде солун, байрамдык кӱӱн-санаа кӧдӱрген площадкалар иштеди.

«Алтай-Инфо», «Горный Алтай Плюс», «Туулу Алтай» турагентство Крымдагы туристический ле су-кадыкты орныктырар аргалар, санаторийлерге ле пансионаттарга путевкаларды кайдаҥ садып алары керегинде элбеде јартамалдар берди. Анайда ок Крым керегинде викторина ӧткӱрип, кӧп сурактарга чын каруулар берген улуска сыйлар табыштырдылар.

Байрамныҥ айылчыларына «Крым, Донбасс, Россия – ӱргӱлјикке кожо!» деп фотозона иштеди. ГТО табыштырар јер анчада ла балдарды јилбиркетти. Мында кажы ла кижи бойыныҥ арга-кӱчин ченеп кӧрди.

АР-дыҥ јашӧскӱрим политиказы аайынча комитединиҥ јуучыл тӧрӧлчи таскамалдыҥ ла граждандардыҥ черӱдеҥ озо белетенижиниҥ тӧс јери «Мениҥ Тавридам – мениҥ јиит тужым!» деп акция ӧткӱрди. Јуулган јииттер «Таврида» арт-кластер ӱлекердиҥ ижиле таныштылар. Албатылык фронт «Ончозы Јеҥӱге!» деп ӱлекер аайынча аҥылу јуучыл операцияныҥ туружаачыларына болуш эдип кӧлӱк аларга акча јууган. М. В. Чевалковтыҥ адыла адалган эл библиотекада «Крымныҥ јазы»: је Тӧрӧл – Россия ончозынаҥ керектӱ» деп адалган јилбилӱ виртуальный кӧрӱ ӧткӧн. Балдардыҥ республикан библиотеказында балдар Крымныҥ, Севастопольдыҥ ла Донбасстыҥ тӱӱкизиле, бичиичилериле элбеде таныштылар.

Культураныҥ ла санаттыҥ Г. И. Чорос-Гуркинниҥ адыла адалган колледжиниҥ ӱренеечилери «Бис кожо, Россия ла Крым» деп ойын-квестте туруштылар.

Крымныҥ Россияга бириккенин республикабыстыҥ аймактарында «Единая Россияныҥ» јербойындагы бӧлӱктериниҥ јӧмӧлтӧзиле база кӧдӱриҥилӱ айалгада ӧткӱрдилер.

Оҥдой јуртта Мактыҥ мемориалында «Крымныҥ јазы – бисле кожо ӱргӱлјикке!» деп кычыру сӧстӧрлӱ митинг ӧткӧн. Анайда ок митингтер ле ойын-јыргал соот Чамалда ла
Улаганда ӧтти. Кан-Оозы јуртта байрамды кӧлӱктерлӱ автопробегле уткудылар. Кӧксуу-Оозы ла Чаргы јуртта база солун акциялар ӧткӧн.

Виктория БАДАКИНА
Евгений БУТУШЕВТИҤ фотојуруктары

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым