Кӱндӱниҥ доскозы

28.04.2023

Алтай Республиканыҥ кӱндӱлӱ эл-јоны!

Слерди Јастыҥ ла Иштиҥ байрамыла уткуп турум!
Кӧп ӱйелерге бу кӱн јаҥыс та јаҥыртуларыла темдектӱ болуп турган эмес, је ол элдеҥ ле озо бастыра ороон бойыныҥ ижиле государствоныҥ ӧзӱмине јӧмӧлтӧ јетирип турган иштиҥ озочылдарын макка кӧдӱрип турган байрамла колбулу болгоныла аҥыланат.
Бастыра јӱрӱмин сӱӱген керегине учурлап, иште бийик једимдерге једип, тӧрӧл јуртыныҥ, калазыныҥ ла Алтай Республиканыҥ ӧзӱмине билдирлӱ камаанын јетирип турган улуска акту јӱрегимнеҥ быйан айдып турум. Анчада ла тоомјылу ла кӱндӱлӱ ветерандарды бийик тооп турганымды айдадым. Слер биске бастыра јанынаҥ јозок кӧргӱзип јадыгар.
Кӱӱк айдыҥ баштапкы кӱнинде Горно-Алтайскта јаҥжыкканы аайынча тергеениҥ Кӱндӱлӱ доскозы јаҥыртылат. Анайда ок муниципал тӧзӧлмӧлӧрдӧги галереяларда иштиҥ озочылдарыныҥ фотојуруктары тургузылат. Бис байрамдык кӱнде Алтай Республиканыҥ ла Россияныҥ ийде-кӱчин тыҥыдарында чылазыны јогынаҥ иштеп турган јерлештеристи тӧргӧ отургызып, олорго кӱндӱӱ-кӱрее ӧткӱредис.
Алтай Республиканыҥ кару эл-јоны! Слер бу кызалаҥду ла кӱч ӧйдӧ јаҥыс та эрчимдӱ иштеп турган эмезигер, је онойдо ок аҥылу јуучыл операцияда туружып турган јерлеш черӱчилдерге аргагар јеткенче болужып јадыгар. Слердиҥ јӧмӧлтӧгӧр олорго сӱрекей керектӱ. Акту кӱӱнигердеҥ бӱдӱрген бу ижигер учун слерге јаан быйанымды айдадым. Мындый ла нак, мындый ла бирлик болзобыс, Јеҥӱ кыйалтазы јогынаҥ бистиҥ јаныста болор!
Кӱӱк айдыҥ байрамдарыныҥ алдында бастырагарга бек су-кадык, амыр-энчӱ ле иште бийик једимдер кӱӱнзейдим!
Байрамла!

Олег Хорохордин,
Алтай Республиканыҥ башчызы, башкарузыныҥ председатели

Алтай Республиканыҥ кару эл-јоны!

Слерди кӱӱк айдыҥ баштапкы кӱниле — Иштиҥ ле Јастыҥ байрамыла акту кӱӱнимнеҥ уткуп турум!
Бу кӱнде бис јаҥыс ла јакшыга јӱткӱп, бойлорыныҥ эрчимдӱ ижиле јозок ло тем кӧргӱзип турган башка-башка профессиялу јерлештериске тай ат кӧдӱрип болбос алкыш-быйан айдып, ырыс-кежик кӱӱнзеп, олордыҥ бӱдӱрип турган ижиле оморкоп турганыс керегинде айдадыс. Слер кичӱ Тӧрӧлигердиҥ јаранып ӧзӧрине јаан јӧмӧлтӧгӧрди јетирип јадыгар.
Алтай Республикада иштеҥкей ле бийик кӱӱндӱ улус јуртап јат. Бӱгӱн бис Туулу Алтайдыҥ ӧзӱмине јаан камаанын јетирген ветерандарга алкыш-быйанысты айдадыс. Слер тургуза ӧйдӧ једимдӱ иштеп турган ээлемдерге ле бӧлӱктерге быжу-бек тӧзӧлгӧ салганыгар. Бала-баркагар јаан јашту улустаҥ јакшы таскаду алып, баштап салган кере-
геерди једимдӱ улалтат. Јаҥжыгуларыс ӱзӱлбезе, бис бойыс та бек болорыс. Ол тушта тӧрӧл республикабыс оноҥ ары чечектеп ӧзӧр.
Кару јерлештер, байрамла! Бек су-кадык кӱӱнзейдим. Амаду-кӱӱнигер јаантайын бӱтсин. Јуук улузыгар слерди јаантайын сӱӱндирип јӱрзин. Коомой керектер тууразыла ӧтсин. Айыл-јуртыгарда амыр-энчӱ турзын, Алтай Республиканыҥ ла Россияныҥ ӧзӱми учун мынаҥ да ары эрчимдӱ иштегер!

Артур Кохоев,
Алтай Республиканыҥ Эл Курултайыныҥ председатели

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина