Керектӱ ле учурлу таскаду

26.05.2023

Кӱӱк айдыҥ 25-чи кӱнинде Горно-Алтайскта Јеҥӱниҥ паркында кӱндӱлӱ каруул службаныҥ штабы — 1-кы таҥмалу посттыҥ ӱчинчи выпускына, јуучыл-тӧрӧлчи клубтардыҥ туружаачыларына, кадеттерге ле јиит армеецтерге јуучыл-тӧрӧлчи кӱӱндӱ болорына таскаду ӧткӧнин керелеген кере-бичиктер табыштырылган.

Бу пост 2020 јылдыҥ сыгын айында Кремльдеги курсанттардыҥ кӱндӱлӱ каруулына тӱҥейлештире тӧзӧлип ачылган. Москвадагы јииттер ады-јолы јарталбаган солдаттыҥ мӧҥкӱзинде вахтада тургулайт. Тергеебистеги постто балдарыс база Эземниҥ вахталарын апарат.

Анайда ок јуучыл-тӧрӧлчи клубтардыҥ туружаачылары строевой белетеништиҥ тӧзӧлгӧлӧрин, Ада-Тӧрӧл учун Улу јууныҥ тӱӱкизин, Туулу Алтайдыҥ геройлорын ӱренет, Улу Јеҥӱге учурлалган керек-јарактарда туружат.

Кӧдӱриҥиде уткуулду сӧзин айткан улустыҥ тоозында «Россияныҥ офицерлери» деп јондык организацияныҥ Алтай Республикада тергеелик бӧлӱгиниҥ јааны запастагы полковник Владимир Перов, ӱзеери ӱредӱниҥ «Горно-Алтайск каладагы «Космос» ЦДО-зы» деп муниципал автоном учреждениезиниҥ директоры Светлана Крупина, «Горно-Алтайск калада 1-кы таҥмалу пост» деп кыймыгуныҥ ветераны Анна Каптур, «ЮНАРМИЯ» ВВПОД-тыҥ Алтай Республикада тергеелик бӧлӱгиниҥ јааны, РФ-тыҥ јуучыл ийделериниҥ запастагы подполковниги Владислав Бурый, Национальный гвардияныҥ черӱлериниҥ политикалык иш аайынча группазыныҥ јааныныҥ болушчызы, капитан Рашид Бекчанов ло оноҥ до ӧскӧлӧри болгон. Олордыҥ кажызы ла кере бичик алган балдарга ачык јолдор ло бийик једимдер кӱӱнзеген.

Бӱгӱн тегин эмес телекейлик айалгаларда орооныстыҥ јилбӱлерин корыыры, Тӧрӧлисле јеткер болдыртпазын јеткилдеери сӱрекей јаан учурлу. Балдарды тӧрӧлчи кӱӱндӱ болорына јаштаҥ ала таскадар керек. Горно-Алтайскта Јеҥӱниҥ паркындагы кӱндӱлӱ каруул службазыныҥ штабы — 1-кы таҥмалу пост мындый јаан учурлу ишти бӱдӱрет.

Кырчын ЯШЕВ
Евгений БУТУШЕВТИҤ фотојуруктары

ТОП

Положение о конкурсе стихов собственного сочинения, посвященном 20-летию молодежного приложения «Јылдыстык» газеты «Алтайдыҥ Чолмоны», «Јайым толкулар» («Вольные волны»)

УТВЕРЖДАЮ Приказом главного редактора АУ РА «Редакция газеты «Алтайдын Чолмоны» от 12.01.2023 №6 __________ Триянова С.В. Положение о конкурсе стихов собственного сочинения, посвященном 20-летию молодежного приложения «Јылдыстык» газеты «Алтайдыҥ Чолмоны», «Јайым толкулар» («Вольные волны») Общие положения Положение определяет условия, основы организации и порядок проведения конкурса, посвященного 20-летию приложения «Јылдыстык» республиканской массовой газеты «Алтайдыҥ Чолмоны».

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина