Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Эҥ кӱчтӱлердиҥ, шулмустардыҥ ла јалтанбастардыҥ маргаандары

02.06.2023

«Кӧк-Бӧрӱ» ойынды ойноор командалар да, оныла јилбиркеген кӧрӧӧчилер де јылдаҥ јылга кӧптӧйт.

Тургуза ӧйдӧ Улаган, Шабалин, Оҥдой аймактардыҥ командалары Кӧк-Бӧрӱниҥ устары болуп, бойлорыныҥ јараш, сӱрлӱ ойыныла кӧрӧӧчилердиҥ кӱӱн-санаазын олјологон.


Быјыл Экинурдыҥ јииттери Кӧк-Бӧрӱле бойлорыныҥ командазын тӧзӧгӧн. Олор озо ло баштап јурттыҥ эл-јонына ватсаптагы «Экинур» деп группа ажыра «кӧк-бӧрӱниҥ командазын тӧзӧӧргӧ турубыс, кем кандый болуш эдер аргалу» деп баштанган. Бу ла ӧйдӧ јурттыҥ улузы аҥылу јуучыл операцияда туружып турган јерлештерине акча јууп турган. Андый да болзо, бойыстыҥ кӧк-бӧрӱчилерис болзын деп јииттерди јӧмӧгӧн. Акча-манатла болушкан улус: Юрий Талбаков, Ырыс Кукаков, Сылай Яшева, Мария Чербыкова, Анатолий Майманов ло оноҥ до ӧскӧлӧри. Јуулган 50 муҥ салковой акчаныҥ 30 муҥына уулдарга тӱҥей кийим-тудум, јепселдер алынган. Анайда ок Айан Тектиев, Роман Колбин, Илас Торбогошев, Батыр Кабанов аттардыҥ азыралына сула, ӧлӧҥ берген.


Мынайып, Экинурдыҥ командазы кыска ӧйдиҥ туркунына маргаандарга белетенип, аттарын ӱредип баштаган. Кӱӱк айдыҥ 6-7 кӱндеринде олордо «дебют» болгон: Кӱпчеген јуртта ӧткӧн тергеелик чемпионатта туружып, јети команданыҥ ортозынаҥ 5-чи јерге чыккан. Баштапкы катапка ол јакшы турулта эмей. Кӧк-Бӧрӱчилердиҥ јаҥы командазыныҥ турчыларыныҥ ады-јолы: Алан Чербыков – капитан, Айастан Анчишев, Амыр-Санаа Ильдин, Акалай Унутов, Аткыр Акчин, Чингис Тонгужанов, Айсудур Тутушев, Алан Ороев, Шоҥкор Серипов, Алан Булбанов, Денис Унутов, Амыр Кабанов.


Бу маргаандарга аттарды јетирерге таҥынаҥ кӧлӱктериле Александр Тордоков ло Леонид Иртаев, сӱркӱш-бензинле Темирей Такашев ле Кан-Оозы аймактыҥ администрациязы болушкандар.


Экинчи катап бу команда кӱӱк айдыҥ 20-21 кӱндеринде Ойбокто ӧткӧн маргаандарда турушкан. Мында јеҥӱ алган туружаачыларга Улаганда ӧдӧтӧн тергеелик маргаандарда туружатан јарамыкту арга болгон. Беш команданыҥ ортозынаҥ тӧртинчи јерге чыккандар.


«Талдама «кӧк-бӧрӱчи-ниҥ» јажыды минген адыла најы-нӧкӧр болгонында, бой-бойын сезип, оҥдожып турганында. Оныҥ учун аттарды узак ӧйгӧ тазыктырар керек. Бистиҥ аттарыс – ол ло мал-аш кабырып, минип јӱрген аттар. Мынаҥ ары эди-каны бек, чыдамкай, чыйрак аттар садып алар амаду бар. Бисти јӧмӧгӧн, болушкан јерлештериске быйанысты айдадыс. Олорго элдеҥ озо су-кадык ла амыр-энчӱ кӱӱнзейдис» – деп, Экинурдыҥ эл-јонына ижемји берген «кӧк-бӧрӱчилердиҥ» командазыныҥ башкараачызы Алан Чербыков куучындады.


Маргаандарда уулдардыҥ ойынын кӧргӧн јерлештери олордыҥ эпчилин, турумкайын, шулмузын кӧрӱп оморкогонын айттылар.

Экинур јуртыныҥ адын бийик кӧдӱрип јӱрген тӧрӧлчи кӱӱндӱ уулдары барда алтай албатыбыстыҥ јаҥдаган јажыгулары ӱзӱлбей, келер ӱйеге артып
калар.

Виктория БАДАКИНА

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина