Эземниҥ ле карыкчалдыҥ кӱни

23.06.2023

Кичӱ изӱ айдыҥ 22-чи кӱни — бистиҥ тӱӱкиниҥ эҥ ле карыкчалду кӱндериниҥ бирӱзи: Ада-Тӧрӧл учун Улу јуу башталган. Россия бу кӱнде јуу-согуштыҥ јалаҥдарында арткандарды, олјодо кыйнаткандарды, тородоҥ ло шырадаҥ божогондорды ончозын эске алынат. Ороон ичиле бастыра государстволык маанылар тӱжӱрилип јат, телекӧрӱлтеде ле радиодо, онойдо ок культураныҥ тураларында ойын-соот кӧдӱриҥилер ле программалар токтодылат.

Горно-Алтайсктагы Јеҥӱниҥ паркында Эземниҥ ле карыкчалдыҥ кӱнине учурлай митинг ӧтти. АР-дыҥ башчызы Олег Хорохордин митингтиҥ ачылтазын ӧткӱрип тура, мынайда темдектеди: «Бу кӱнде 82 јыл кайра бистиҥ ороонныҥ тӱӱкизинде коркышту кызалаҥ бӱк ачылган – ол Ада-Тӧрӧл учун Улу јуу. Миллиондор тоолу улустыҥ јӱрӱми ӱзӱлген, салымы бузулган. Улу јууга јӱк бистиҥ республиканаҥ 42 муҥнаҥ ажыра улус атанган. Олордыҥ јарымызы ойто кайра бурылбаган.

Эмди јайым ла кӱчтӱ ороондо амыр јуртап јатканыс учун олордыҥ нерелӱ керегин бис качан да ундыбас учурлу. Оныҥ да учун јииттерди тӧрӧлчи кӱӱндӱ болорына таскамал ишке јаан ајару эдедис».

«Государстволык мааныларды тӱжӱрип, эземди керелеген ӱспекчиндерди кӱйдӱрип, бир минут ӧйгӧ унчукпай турарын јарлап, Ада-Тӧрӧл учун Улу јууныҥ кереестерине чечектер салып, јайымды корулаган ӧбӧкӧлӧриске јабыс эҥчейедис. Јеҥӱчил геройлорго ӱргӱлјикке мак!» — деп, Эл Курултайдыҥ туризм, аргачылык, спорт ло јашӧскӱрим политика аайынча комитединиҥ јааны Сергей Тимошенский айтты.

Онойдо ок сӧсти Горно-Алтайсктыҥ мэри Ольга Сафронова ла «Калыктар ортодогы эрчимдӱ јииттердиҥ биригӱзи» деген јондык организацияныҥ адынаҥ Юрий Тадышев айттылар.

Быјыл Мактыҥ мемориалыныҥ тооломына озодо бичилбеген јуучылдардыҥ ады-јолдоры кийдирилди: Тушкенеков Алексей Павлович, Тушкенеков Гавриил Михайлович, Тушкенеков Павел Михайлович, Тушкенеков Алексей Михайлович. Бу јуучылдардыҥ адын ӱргӱлјикке артырарга болушканы учун Ольга Сафроновага ла Ыныргы јурттыҥ јурт јеезезине быйанын тӧрӧӧн-туугандарыныҥ адынаҥ Альбина Бердюгина айтты.

Ончо турушкан улус јууныҥ ветерандарына су-кадык, амыр-энчӱ кӱӱнзеп, јуу-чакта јеҥ јастанган јуучылдарды эзедип бир минутка унчугышпай турдылар. Митинг Ӱргӱлјик отко чечектер салганыла тӱгенди.

Јуу-чак качан да кайда да болбозын! Амыр-энчӱ јӱрӱмди баалайлы!

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым