Јерлежис — Россияныҥ Геройы

03.08.2023

Кече, куран айдыҥ экинчи кӱнинде, президент Владимир Путин Кремльде аҥылу јуучыл операцияда туружып турган јерлеш офицер Данияр Джартановко Россия Федерацияныҥ Геройыныҥ Алтын Чолмонын табыштырган. Јуу-согуштарда јалтанбазын ла ат-нерезин кӧргӱскен кайучыл Кош-Агаш аймакта Јазатыр јуртта чыккан ла ӧскӧн.

Данияр Джартанов Сирияда эки катап болгон. Аҥылу јуучыл операцияда дезе баштапкы ла кӱннеҥ ала туружып јат. Ол кайучылдардыҥ аҥылу бӧлӱгиниҥ командири. Черӱде рядовой солдаттаҥ ала офицердиҥ јамызына јетире ӧскӧн. Кайучыл улус јаантайын «јеткер јеҥ алдында» деген айалгаларда јӱрӱп јат. Оныҥ учун кайучыл болорго бек чыду, јана баспас турумкай, ајарыҥкай сезим ле ак-чек кылык-јаҥ керек. Мыныҥ ончозы јерлеш јуучылда јеткилинче бар.

Данияр јуучыл отрядтыҥ тоозында Северский Донец сууны кечире понтонный кӱр салатан јерди колго алып, ӧштӱле јана бас-пай тартышкан. Адышты ајаруга албай, шырка алган командирди јеткерлӱ јердеҥ чыгарып, оны ӧскӧ јаратка кечирген. Украинаныҥ националисттери там атыйланып, понтонный кӱр салатан јер јаар база бир бӧлӱк јуучылдарын уулаган. Россияныҥ Ийде-кӱчтериниҥ отряды олорды таҥынаҥ учар аппараттыҥ болужыла кайулап, тозуул белетегендер. Табаруга кӧдӱрилген ӧштӱ кыра аттырткан. Бу јуу-согушта бронетранспортер эки катап от-алыжарда, јерлеш кайучыл контузия алган, је јана баспаган, акту бойы 4 БМП-ны, националисттердиҥ јеезеленген пунктын, 4 пикапты јоголткон, ВСУ-ныҥ беш јуучылын олјого алган.

Гвардияныҥ офицери Данияр Джартанов ӧскӧ дӧ јуучыл керектерде јалтанбазын ла ат-нерезин кӧргӱскен. Ол Јалтанбастыҥ ордениле, «За отвагу» медальла эки катап кайралдаткан. Оныҥ тӧжин анайда ок «За боевые отличия», «За воинскую доблесть» ле Суворовтыҥ медальдары кееркедет. Бу ла кӱндерде дезе Јалтанбастыҥ ордениле экинчи катап кайралдаткан. Туулу Атайдыҥ эл-јоны тӧрӧлчи кӱӱндӱ Герой јерлежиле оморкойт!

ТОП

Положение о конкурсе стихов собственного сочинения, посвященном 20-летию молодежного приложения «Јылдыстык» газеты «Алтайдыҥ Чолмоны», «Јайым толкулар» («Вольные волны»)

УТВЕРЖДАЮ Приказом главного редактора АУ РА «Редакция газеты «Алтайдын Чолмоны» от 12.01.2023 №6 __________ Триянова С.В. Положение о конкурсе стихов собственного сочинения, посвященном 20-летию молодежного приложения «Јылдыстык» газеты «Алтайдыҥ Чолмоны», «Јайым толкулар» («Вольные волны») Общие положения Положение определяет условия, основы организации и порядок проведения конкурса, посвященного 20-летию приложения «Јылдыстык» республиканской массовой газеты «Алтайдыҥ Чолмоны».

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина