Билгирлердиҥ кӱниле!

31.08.2023

Кӱндӱлӱ ӱредӱчилер, таскадаачылар, студенттер ле ӱренчиктер!

Слерди акту кӱӱнимнеҥ Билгирлердиҥ кӱниле, јаҥы ӱредӱлӱ јыл башталып јатканыла уткуп турум!

1-кы сентябрь — бастыра ӱйе улуска јаркынду ла сӱӱнчилӱ кӱн, ол кажы ла кижиниҥ ӱренчик ле студент болгон јылдардаҥ ала јӱрӱмдик јолын ууламјылайт.

Бу байрам баштапкы класска барып, јӱрӱмдик јолдыҥ јаҥы бӧлӱгин ачып јаткан болчомдорго до, соҥында бойыныҥ баштапкы экзамендерин табыштырар ла кандый колледжке, техникумга ла вузка кирерин чокумдайтан ӱренчиктерге де сӱрекей јаан учурлу. Ӱредӱ ӧйинде алган билгирлер кандый ла ӧзӱмниҥ, иштеги једимдӱ ӧзӱштиҥ ле јарамыкту јадын-јӱрӱмниҥ тӧс тӧзӧлгӧзи болуп јат.

Билгирлердиҥ кӱнинде Алтай Республикада ӱредӱликтиҥ школдогы системазыныҥ модернизациязыныҥ программазы аайынча јаҥырта јазалган 10 школ ачылар. Быјыл тергеениҥ 179 школыныҥ 40 муҥнаҥ кӧп ӱренчиктери парталарга отурар, ол тоодо баштапкы класска барып јаткан 4 муҥ кире болчомдор ло 1,5 муҥнаҥ кӧп выпускниктер.

Јаш ӱйени таскадарында ла ӱредеринде иштеп, олорго билимдердиҥ јажыттарын ачарына болужып, эмдиги ӧйдиҥ кижизин ӧскӱрип турган бистиҥ ӱредӱчилерге бу кӱнде аҥылу быйанду сӧстӧр айдып турум. Ӱредӱлик иштиҥ ветерандарына, јаш ӱйени ӱредеринде ле таскадарында једимдӱ иштеп тургандарга, амыралтага чыккан да болзо, јиит ӱредӱчилерге ойгор шеф-таскадаачылар болуп јӱргендерге јаан алкыш-быйан.

Билгирлердиҥ кӱнинде бастыра ӱренчиктерге ле студенттерге турумкай болорын, билгирлерле байлык уроктор ло јаҥы ачылталар, ӱредӱчилерге ле ада-энелерге — бек су-кадык, једимдер, эҥке-тоҥко јадын-јӱрӱм, бала-барказы бойыныҥ једимдериле, бийик темдек-оценкаларыла сӱӱндирип јӱрзин, јаҥы ӱредӱлӱ јыл бастыразына једимдӱ болзын деп кӱӱнзейдим!

Олег ХОРОХОРДИН,
АР-дыҥ башчызы, башкарузыныҥ председатели

Кару балдар, кӱндӱлӱ ӱредӱчилер ле ада-энелер!

Билигирлердиҥ кӱниле слерди акту кӱӱнимнеҥ уткуп турум! Бу байрам јаҥы ӱредӱлӱ јыл башталганыныҥ темдеги, бу кӱнде иженедис, амадайдыс, аргаларыс керегинде сананадыс.

Ӱренетени — билгирлерди бийик једимдерге једетен быжу эп-арга эдип алатаны. Билгирлер — ол једимдерге једериниҥ тӱлкӱӱри, олорды слер јаҥыс та ӱредӱде эмес, јӱрӱмде де тузаланарыгар.

Бӱгӱн уткуулду сӧстӧрди педагогторго база учурлайдым. Слердиҥ ийде-кӱчигер, чыдамкайыгар ла јалакайыгар ӱренчиктерге јакшынак јозок ло јӧмӧлтӧ болуп јат. Слер балдарга билгирлердиҥ јолын ачып, олордыҥ кажызыныҥ ла јайалтазы ачылзын ла ӧссин деп бастыра кӱчигерди берип иштейдигер.

Чылазыны јок кӱнӱҥги ижигер учун слерге јаан быйан.

Бастыра ӱренчиктерге једимдер, бийик темдектер, педагогторго дезе профессиязына чындык болорын ла јаҥы јеҥӱлер, ада-энелерге — ойгор ло чыдамкай болорын кӱӱнзейдим! Бастырагарды байрамла уткуйдым!

Артур КОХОЕВ,
Алтай Республиканыҥ Эл Курултайыныҥ председатели

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым