«Очоктыҥ јылузын чеберлеп»

02.11.2023

Калыктар ортодо јииттердиҥ «Очоктыҥ јылузын чеберлеп» деп ӱлекери ӱлӱрген айдыҥ 26-27 кӱндеринде баштапкы катап ӧткӧн. Ӱлекердиҥ авторы — калада јашӧскӱримниҥ тӧс јериниҥ директоры Эркелей Тугурова.

Ӱлекердиҥ кӧдӱрӱҥилӱ ачылтазында уткуулду сӧзиле туружаачыларды тӱӱки билимдердиҥ кандидады, доцент, эл библиотеканыҥ методисти Лариса Мукаева, билениҥ психологы Елена Корчагина уткугандар.

Байрамда башка-башка укту јииттер јуулган, олордыҥ тоозында — алтай, туба, казах, уйгур, армян. Јииттер бой-бойыла таныжып, эки кӱнниҥ туркунына бойлорыныҥ албатылык чӱм-јаҥдарын, культуразын кӧргӱзип, ол ок ӧйдӧ башка-башка ууламјы-темаларлу площадкаларда турушкандар. Темдектезе, алтай ла орус калыктардыҥ аш-курсагын белетеериниҥ мастер-клазында.

Профессиязында бийик једимдерге једип, ол ло ӧйдӧ от-очогын кичееп, бала-барказын чыдадып јаткан эрчимдӱ кӧрӱмдӱ, ады-јолы јарлу эпшилер јииттерге јӱрӱмдик јолын табатаны, профессиязын талдаары керегинде солун куучын-эрмек ӧткӱргендер.

Байрамда туружып, албатылардыҥ байлыгын кӧрӱп, кижи канайып сӱӱнбес, оморкобос. Телекей ичинде тал-табыш, јуу-согуш, оҥдошпостор болуп турган кызалаҥду ӧйдӧ мындый керектер ӧдӱп турганы учурлу ла керектӱ.

Айдарда, очогыстыҥ јылузын чеберлеп, бой-бойысты кичеп, најылажып јӱрели!

Айару ЧЕКОНОВА

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым