Јалбышту сӧстӧри јӱректерге томулзын

16.11.2023

Кече, Койон јылдыҥ кӱчӱрген айыныҥ 15-чи кӱнинде, «Алтайдыҥ Чолмоныныҥ» 101 јылдыгы толды.

Туулу Алтайдыҥ алтай тилле чыгып турган «Алтайдыҥ Чолмоны» эл газеди ӧткӧн 2022 јылдыҥ кӱчӱрген айыныҥ 15-чи кӱнинде бойыныҥ 100 јылдыгын элбеде темдектеди.

Текши албатыга алтай газеттиҥ 100 јылдыгы кемиле, учурыла сӱреен јаан тӱӱкилик учурлу керек болгонын ӧткӱрилген кӧп тоолу кӧдӱриҥилер, туштажулар, кӧрӱлер, јол-јоруктар недеҥ де артык керелеп јат.

Элдиҥ-јонныҥ газеди калыҥ тӱӱкизиниҥ база бир учурлу бӱгин оморкодулу ачып, ижин улалтат. Келер Улуу јылга тургускан амадулары, јӱрӱмде темдектеп алган ӱлекерлери ле оноҥ до ӧскӧ јайаандык ижи кӧп.

Эл газедистиҥ эҥ јаан байлыгы, ижемјизи, најы-нӧкӧрлӧри ол кӧп тоолу кычыраачылары деп айдар керек. Кандый да ӧйдӧ эл-јон, кычыраачылар оны јӧмӧйт. Газеттиҥ ле кычыраачылардыҥ бек колбузы оныҥ тиражында. Тираж јаан, кычыраачылары кӧп — газет ӧзӱмниҥ јолында. Айдарда, кӱндӱлӱ јерлештерис, кычыраачыларыс, бу ла артып калган кыска ӧйдиҥ туркунына келер јылга эмезе јарымјылга бичидип аларга ундыбагар. Бисте тӧрӧлчи кӱӱн-санаазы бийик кычыраачыларыс бар, олор тургуза ла газедин бӱткӱл јылга бичидип алат.

Редакция Улуу јылдыҥ ӧҥдӱ кӱнтизӱзин белетеп, тоолу кӱннеҥ јайым садуга чыгарар амадулу. Газетке бичидип алган кычыраачыларга, јаҥжыкканы аайынча, јаҥы јылдыҥ чаган айыныҥ баштапкы байрамдык номериле ӧҥдӱ кӱнтизӱ сый болуп келер. Онойдо ок јӱзӱн-башка уткуулду, алкышту ӧҥдӱ открыткаларын, конверттерин садат, кӧп тоолу бичиктерин база.

Кӱндӱлӱ кычыраачылар, газеттиҥ оҥдайы оноҥ артык, јилбилӱ, байлык болзын деп, бичигер, биске аткарыгар. Онойып, ӧмӧ-јӧмӧ «Алтайдыҥ Чолмоны» эл газеттиҥ тиражын 5-6 муҥга чыгарып ийерис деп иженедис. Бистиҥ тайанатаныс, иженетенис слер, кӱндӱлӱ кычыраачыларыс.
«Алтайдыҥ Чолмоны» эл газеттиҥ чыккан кӱниле текши эл-јонды, кычыраачыларды акту кӱӱнистеҥ уткуп, бек су-кадык, амыр-энчӱ, эптӱ-јӧптӱ јадын-јӱрӱм кӱӱнзейдис. Ийдебис бистиҥ бирлигисте!

Јӱс јылдыкты амыр-энчӱ, токуналу алтап, экинчи јӱсјылдыктыҥ эжигин ачып, алтын бозогозын кожо алтадыс.

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом и.о. главного редактора АУ РА «Редакция газеты «Алтайдыҥ Чолмоны» от _____________ № Кудачина Э.В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир