Кӱмӱш чӱмдӱ јаҥарыс – Беш ичинде

21.12.2023

Јаҥар айдыҥ 14-чи кӱнинде Шабалин аймактыҥ Беш-Ӧзӧк јуртында алтай калыктыҥ јаҥар кожоҥыныҥ байрамы ӧткӧн. Ондо Шабалин, Оҥдой, Кан-Оозы аймактардыҥ башка-башка јурттарыныҥ јаҥарчылары турушкан.

Јаҥар кожоҥго учурлалган фестивальдар, кӱрее-куучындар ла ӧскӧ дӧ байрамдык керектер «Алтайдыҥ Чолмоны» газеттиҥ корреспонденти, Горно-Алтайский автоном областьта јадар ӧйисте ады јарлу башкараачы, атту-чуулу јаҥарчы болгон Эжер Яимовтыҥ эземине учурлалып, Беш-Ӧзӧк јуртта уулы Игорь Яимовтыҥ баштаҥкайыла ӧткӧни 20 јылдаҥ ажа берген. Быјылгы фес-тиваль Эжер Яковлевичтиҥ чыкканынаҥ ала 95 јылдыгына учурлалган.

Байрамга келген айылчыларды, ол тоодо АР-дыҥ парламентиниҥ спикери Артур Кохоевти, АР-дыҥ депутады Григорий Пильтинди, Шабалин аймактыҥ эл башчызы Семен Јолдошпоевти, АР-дыҥ Кӱндӱлӱ кижизи, бойыныҥ ӧйинде Шабалин аймакты башкарган Геннадий Суминди, кӧп јылдарга Э. Я. Яимовло кожо иштеген Татьяна Туденеваны, Шабалин аймактыҥ башкартузыныҥ ишчилерин Эжер Яимовтыҥ адыла адалган оромдо Беш-Ӧзӧк јурттыҥ «Кӱмӱш» јайаан ӧмӧлигиниҥ турчылары уткуул јаҥарыла уткуган.

Јирме беш јыл мынаҥ кайра тудулып башталган бу оромдо тургуза ӧйдӧ 300-теҥ ажыра кижи јуртайт.

Байрамда Беш-Ӧзӧк јурттыҥ «Кӱмӱш» ле балдардыҥ «Кӱмӱжек» (башкараачызы Светлана Сумачакова), Шыргайты јурттыҥ «Чаҥкыр» ла балдардыҥ «Кӱн Чечек» (башкараачылары Рита Бакиянова ла Зоя Боделукова), Каспа јурттыҥ «Солоҥы» (башкараачызы Алтынай Тохнина), Оҥдой аймактыҥ Јоло јуртыныҥ јаан јаштуларыныҥ «Јоло» (башкараачызы Зинаида Дробинина), Оҥдой јурттыҥ «Эҥир јылдыс» (башкараачызы Сырга Садрашева), Кан-Оозы аймактыҥ Кырлык јуртыныҥ «Ӱлӱрген» (башкараачызы Радмила Мажлаева) ӧмӧликтери турушкан. Јаҥар кожоҥ јаҥыс та аймактарла эмес, је јурттар сайын аҥыланып турганын бис бу байрамда кӧрдибис. Аначада ла солун кӧргӱзӱни Оҥдой јурттыҥ јаҥарчылары экелген, олор јеринде јаҥжыккан јаҥардыҥ кӱӱзиле коштой телеҥит јаҥарды, кӧгӱс јаҥарды, јаҥылга јаҥарды кожоҥдогоны улус-ка сӱрекей солун болгон.

Тергеебисте ады јарлу кӱӱчи-кожоҥчылар Эркемен Епишкинниҥ, Радмила Мажлаеваныҥ, Ратмир Танытпасовтыҥ таҥынаҥ ойын-кожоҥдоры байрамды база кееркеткен.
Кыштыҥ соогын соок дебей, канча боочылар ажып, јаҥардыҥ байрамына туружарга келген јайаан ӧмӧликтер быйанду самараларла, фестивальдыҥ дипломдорыла кайралдаткан. Кӧп быйанду сӧстӧр бу байрамды тӧзӧп ӧткӱргендерге, Беш-Ӧзӧк јурттыҥ јааны Руслана Шодоевага айдылган.

Элистиҥ эрјине энчизи болгон јаҥар кожоҥныҥ республикан фестиваль байрамдарын Беш ичинде ӧткӱрери керегинде шӱӱлтеле колбой (мыны байрамныҥ туружаачылары айткан), Беш-Ӧзӧктӧ јаҥы клуб тудулар иженчилӱ јандыбыс. Јирме јыл мынаҥ кайра бу клубта мен кандый да кӧдӱриҥиде «Алтайдыҥ Чолмоныныҥ» корреспонденти болуп турушкам ла ол ӧйдӧҥ бери айалга јаан кубулбаган, культураныҥ эски туразы ол ло бойы соок эмтир…

Светлана КЫДЫЕВА

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде