Башчы школдыҥ тудум иштерин шиҥдеп кӧргӧн

18.01.2024

АР-дыҥ башчызы Олег Хорохордин Горно-Алтайскта 7-чи таҥмалу школдыҥ туразын «Ӱредӱлик» нацӱлекер аайынча тудар иштер канайда ӧдӱп турганын чаган айдыҥ 10-чы кӱнинде шиҥдеп кӧргӧн.

«Школды тудары бистиҥ президент Владимир Владимирович Путинниҥ чике јакылтазы аайынча ӧдӧт — деп, тергеениҥ башчызы айткан. — Бу бистиҥ республиканыҥ 750 бала ӱренер јаан школы болор. Балдар мында алтай тилди баштапкы класстаҥ ала тереҥжиде ӱренер».

Школдыҥ туразы бир канча блок-бӧлӱктердеҥ турар, мында баштамы ла јаан класстарга эки спортзал, аш-курсактыҥ цеги ле ӧскӧ дӧ кыптар болор. Тургуза ӧйдӧ анда бетонный иштер бӱткӱлинче тӱгенген, стенелер кӧдӱрилген, кӧзнӧктӧр тургузылат ла ӧскӧ дӧ иштер ӧткӱрилет. Подрядчиктер јуук ӧйдӧ инженерный сетьтер (јылыдыштыҥ, суујеткилдештиҥ, канализацияныҥ) аайынча иштерди баштаар.

Тудум иштер график аайынча ӧдӧт, объектти быјыл учына јетире тудуп салар деп темдектелген.

Кыска јартамал: 2019 јылдыҥ јаҥар айында јылдыҥ сайынгы пресс-конференция ӧдӧр тушта Горно-Алтайскта 7-чи таҥмалу школдыҥ туразын тудары јанынаҥ сурак берилерде, Россияныҥ президенти Владимир Путин алтай тилди ӧскӱрери ле чеберлеери јаан учурлу болгонын темдектеп, школ кыйалтазы јогынаҥ тудулар деп айткан.

АР-дыҥ башкарузыныҥ пресс-сслужбазы

***

«7-чи таҥмалу школ — бастыра кеминде јаҥныҥ Алтай Республиканыҥ эл-јоныныҥ алдына алынган тӧс молјузы. Бӱгӱн тудум иштердиҥ баштапкы алтамы эдилген. Бу ӧйдиҥ некелтелерине келижип турган 3 кат тура болор, ол бир канча блоктоҥ турар. Ондо 30 класс ла лабораториялар, пищеблок, библиотека, 333 кижи отурар актовый зал, кийим солыыр кыптарлу спортзал болор. Школдо бир сменала 750 бала ӱренер аргалу» — деп, Олег Хорохордин 2021 јылда школдыҥ тудум иштери башталып турарда айткан эди.

Онойдо ок башчы эки ай кайра, кӱчӱрген айдыҥ 30-чы кӱнинде, «Чике колбу» ӧйинде 7-чи таҥмалу школдыҥ јаҥы туразы ла ондо кем ӱренери керегинде суракка чокум каруу берген. Оныҥ айтканыла, школды тузаланышка 2024 јылда табыштырар, ондо алтай тилди 1-кы класстаҥ ала тереҥжиде ӱренерге кӱӱнзеген балдар ӱренер аргалу.

Бӱгӱнги кӱнде Горно-Алтайск каланыҥ алтай школында 890-ноҥ ажыра бала ӱренет. Айдарда, келер ӱредӱлик јылга јетире бу школ бойыныҥ јаҥы туразына кӧчӱп

калар ла балдарын 1-кы класска берерге турган ада-энелерге угузу бичик бичиир тушта оройтыбас керек.

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде