Студенттер – јиит јӱректер

25.01.2024

Татьянаныҥ кӱни — ол кажы ла студент кижиге баалу ла учурлу байрам. Студент тужы — јӱрӱмниҥ эҥ ле јилбилӱ, сӱӱнчилӱ ле ол ок ӧйдӧ эҥ каруулу ӧйи.

1755 јылдыҥ чаган айыныҥ 25-чи кӱнинде Елизавета Петровна каан студенттерди корулап турган Агару Татьянаныҥ кӱнинде Россияда баштапкы университет (эмдиги МГУ) ачылары керегинде јакаан чыгарган. Мынайып Агару Татьянаныҥ кӱнинде университеттиҥ чыккан кӱнин ле кийнинде Студенттердиҥ байрам кӱни темдектелип баштаган.

1791 јылда Московский университетте Татьянаныҥ серкпезин ачкан. Анда јылдыҥ сайын чаган айдыҥ 25-чи кӱнинде агару эпшини эзедетен болгон. 1918 јылда, революцияныҥ кийнинде, серкпени јабып, студенттердиҥ байрамын темдектеерин токтодып салган.

Студенттердиҥ кӱнин ле университеттиҥ чыккан кӱнин темдектеер јаҥжыгу јӱк 1992 јылда орныктырылган. 2005 јылда Владимир Путин чаган айдыҥ 25-чи кӱни Россияныҥ студенттериниҥ кӱни деген јакаан чыгарган.

Бӱгӱнги кӱнде Алтай Республикада бийик ӱредӱ алар сок јаҥыс университет ле аҥылу орто ӱредӱ алар сегис тӧзӧмӧл бар: Горно-Алтайсктагы М. З. Гнездиловтыҥ адыла адалган политехнический колледж, ӱредӱчилер белетеер колледж, јурт ээлемниҥ Маймадагы техникумы, Горно-Алтайсктагы эмчилер белетеер колледж, культураныҥ ла санаттыҥ Г. И. Чорос-Гуркинниҥ адыла адалган колледжи, экономикалык техникум, аграр колледж ле Кӧксуу-Оозындагы отраслевой технологиялардыҥ техникумы.

Тергеебисте бастыра јаба 6,6 муҥ кире студент ӱренет.

Кару студенттер! Бис слерди Татьянаныҥ кӱниле уткуп турубыс. Слер — Туулу Алтайдыҥ келер ӧйгӧ ижемјизи. Ӱредӱгер эрчимдӱ ле јеҥил болзын, амадаганар бӱдӱп турзын.

Виктория БАДАКИНА

Фотојурукта: Горно-Алтайсктагы государственный университеттиҥ аграр колледжиниҥ студенттери јердиҥ кыртыжын шиҥдейт

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым