Албатыбыстыҥ оморкодузы

29.02.2024

Кочкор айдыҥ 21-чи кӱнинде РФ-тыҥ коруланарыныҥ министри черӱниҥ генералы Сергей Шойгу јуучыл јерлежис Амыр Аргамаковтыҥ тӧжине Россияныҥ Геройыныҥ «Алтын Чолмонын» таккан.

Алтай баатырды ороонныҥ эҥ бийик кайралыла кайралдаары керегинде јарлыкка колды президент В. В. Путин бир ай кайра салган болтыр. Ондый табыш болгон до болзо, је Амырды кайралдаарына јетире окылу јетирӱ эдилбеген. Анайып, кочкор айдыҥ 21-чи кӱнинде Сергей Шойгу кӧдӱриҥилӱ айалгада јерлежисти кайралдаарда ла, бу сӱӱнчилӱ јетирӱ эл-јоныска угулган.

Эртезинде Амырды Алтай Республиканыҥ Москвада элчилиги ле РФ-тыҥ Федерация Совединде конституционный јасакберим ле государстволык строительство аайынча комитеттиҥ председателиниҥ баштапкы ордынчызы, Алтай Республикадаҥ сенатор Владимир Полетаев бойлорына кычыргандар.

Орооныстыҥ тӧс калазында тергеебистиҥ чыгартулу элчизи Ирина Лозоваяныҥ айтканыла, Амыр Аргамаковко башкарткан батальон 2023 јылдыҥ јайында ВСУ-ныҥ табарузын токтоткон. США-ныҥ, Кӱнбадыштыҥ ороондорыныҥ болужыла Украинаныҥ черӱлери ол табаруга сӱрекей тыҥ белетенген эди. «Бастыра табарулар эмдиге кӧзиме кӧрӱнет. Мениҥ амадуум — коруланышты тӧзӧӧри, јартап айткажын, подразделениелерди билгир башкарары. Батальонымда чындык јуучылдар. Кажы ла ӱчинчи јуучыл медальдарла кайралдаткан» — деп, Россияныҥ Геройы элчиликте ӧткӧн туштажуда айткан.

РФ-тыҥ Федерация Совединде ӧткӧн туштажуда сенатор Владимир Полетаев јерлежиске ат-нерелӱ керектери ле Тӧрӧлине чындык службазы учун быйанын айдып, Тӧрӧлин корыычыныҥ келип јаткан кӱниле уткыган. Сенатор РФ-тыҥ Федерация Совединиҥ председателиниҥ јакылтазы аайынча Амыр Аргамаковко час ла таҥынаҥ бойынаҥ сыйлар табыштырган. «Амырдыҥ ат-нерелӱ керектери Алтай Республиканыҥ эл-јонына, бӱткӱл Россияга оморкоду» — деп, ол темдектеген.

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым