Јербойында бойы башкарынарыныҥ кӱниле!

18.04.2024

Муниципал тӧзӧлмӧлӧрдиҥ кӱндӱлӱ јаандары ла депутаттары, јербойында бойы башкарынарыныҥ ишчилери ле ветерандары!
Слерди профессионал байрамла уткуп турум!

Россияныҥ президенти Владимир Владимирович Путин јербойында бойы башкарынарыныҥ ишчилериниҥ ижи јаан учурлу болгонын јаҥыс катап эмес темдектеген. Нениҥ учун дезе шак ла слер албаты-јонго эҥ јуук ла јаҥныҥ бастыра системазыныҥ тӧс чыгартулу улузы
болуп јадыгар.

Каланыҥ, аймактардыҥ, јурт јеезелердиҥ администрациялары — бистиҥ албаты-јон бойыныҥ курч сурактарыла эҥ ле озо баштанып турган јер болот. Слер ол курч сурактарды тӱрген ле аайлу-башту башкарарына ла аайлаштырарына бастыра арга-кӱчигерди саладыгар.

Ӧткӧн јылда бис јербойында бойы башкарынарын јӧмӧӧрине ууландырылган бир канча конкурстар ӧткӱрерин баштаганыс. Баштапкы уч-турулталарды бис муниципал тӧзӧлмӧлӧрдиҥ јаандарыныҥ јылдыҥ сайынгы съездинде кӧрӧрис.

Ого ӱзеери, бистиҥ тергее јылдыҥ ла «Эҥ ле артык муниципал ченемел» деп текшироссиялык конкурста эрчимдӱ туружат. 2023 јылда Кош-Агаштагы јурт јеезе «Ук-албатылар ортодогы амыр-энчӱни ле јӧпсиништи тыҥыдары, национальный политиканыҥ бӧлӱгинде ӧскӧ дӧ керек-јарактарды муниципал кеминде бӱдӱрери» деп номинацияда Россияныҥ јетен субъектиниҥ 355 муниципал тӧзӧлмӧлӧри ортодо 3-чи јер алган.

Онызы јербойында бойы башкарынары аайынча бистиҥ органдар Алтай Республиканыҥ албаты-јоныныҥ јадын-јӱрӱмин јарандырары јанынаҥ јаантайын ӧзӱм алынып турганын керелейт. Слер јербойындагы ээлемниҥ башка-башка бӧлӱктеринде иштер тутагы јогынаҥ ӧдӧрин јеткилдеери аайынча иш-молјуларды једимдӱ бӱдӱрип јадыгар.

Ороонго јеҥил эмес ӧйдӧ слер аҥылу јуучыл операцияда туружып турган бистиҥ јуучылдарга јаан јӧмӧлтӧ эдедигер. Слер гуманитар болуш јуурын ла аткарарын тӧзӧйдигер. Јерлештерди јӧмӧӧргӧ лӧ олорго тӧрӧл јеринеҥ посылкалар јетирерге болуп, слердиҥ кезигер СВО-ныҥ јерине барып јӱрген.

Тоомјылу коллегалар, ак-чек бӱдӱрип турган ижигер учун јаан быйан айдып турум. Слерге бек су-кадык, эҥке-тоҥко јадын-јӱрӱм, бастыра керек-јарактарда једимдер кӱӱнзейдим. Байрамла!

Олег ХОРОХОРДИН,
АР-дыҥ башчызы, башкарузыныҥ председатели

* * *

Јербойында бойы башкарынарыныҥ тоомјылу ишчилери, муниципал службаныҥ ветерандары, аймактардыҥ советтериниҥ ле јурт јеезелердиҥ депутаттары!
Слерди Јербойында бойы башкарынарыныҥ кӱниле уткуп турум!

Кӱндӱлӱ коллегалар, бистиҥ эл-јон муниципал тӧзӧлмӧлӧрдиҥ ле јурт јеезелердиҥ ижин олор јаан јӱрӱмдик учурлу сурактарды канайып бӱдӱрип, оромдордо амыр-тыш болорын канайда јеткилдеп, бистиҥ јурттарды, аймактарды ла Горно-Алтайск каланы канайда јарандырып турганы ажыра баалайт.

Бӱгӱн муниципал служащийлерге текшилей ӧзӱм, јерлердиҥ генпланы аайынча јаан учурлу иш-керектер молјолгон. Је эҥ ле јаан учурлузы — јадын-јӱрӱмисти јарандырары бистиҥ бойыстаҥ, албаты-јонноҥ камаанду. Ол тоодо кандый јерлерди, объекттерди јарандырарын ӧмӧлижип јӧптӧӧри.

Бистиҥ государствоныҥ берип турган аргаларыныҥ шылтузында, ол тоодо «Калада јарамыкту айалга тӧзӧӧри» деп ӱлекер кеминде, баштаҥкайлу бюджетированиениҥ ӱлекериниҥ ле јурт јерлердиҥ текшилей ӧзӱминиҥ программазыныҥ шылтузында јонјӱрӱм-экономикалык программаларды јербойында једимдӱ бӱдӱрер аргалар бар.

Калганчы јылдарда Россияда, анайда ок бистиҥ тергееде территориальный јондык башкарыныштыҥ институды эрчимдӱ ӧзӱм алынып турганын темдектеер керек. Оныҥ тӧс амадузы — улус јадып турган јерлерди јарандырары, керектӱ инфраструктураны тӧзӧӧри. Бӱгӱн олор муниципал башкартуныҥ тӧс бӧлӱги болот, эл-јон ортодо тоомјызы бийиктеген.

Алтай Республиканыҥ депутаттары јербойында бойы башкарынарыныҥ ӧзӱминиҥ эл-јонныҥ јадын-јӱрӱминиҥ чыҥдыйын бийиктедерине ууландырылган сурактарын ӧмӧ-јӧмӧ бӱдӱреринде эрчимдӱ туружат. Бу амадуга јӱк ле ӧмӧ-јӧмӧ, эл-јонныҥ тузазына ууландырылган јайаандык иштиҥ шылтузында једер арга бар.

Тоомјылу коллегалар, бойыгардыҥ кичӱ тӧрӧлигерге оноҥ кӧп јакшыны јетирерге турган јӱткӱмелигер учун јаан быйан.

Слерге бек су-кадык, билелик ырыс, бойыгардыҥ муниципалитеттеригерге ууландырылган бастыра керек-јарактарыгарда једимдер кӱӱнзейдим!

Артур КОХОЕВ,
АР-дыҥ Эл Курултайыныҥ председатели

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина