Јастыҥ ла иштиҥ байрамыла!

27.04.2024

Алтай Республиканыҥ тоомјылу албаты-јоны!

Слерди Јастыҥ ла Иштиҥ кӱниле уткуп турум!

1-кы Май башка-башка бӧлӱк иштерде иштеп тургандарга, бастыра ӱйе улуска ла иштиҥ ветерандарына — Тӧрӧлине чындык улуска быйан айдарга јакшынак шылтак болуп јат.

Россия Федерацияныҥ президенти Владимир Владимирович Путин 2024 јылды Билениҥ јылы деп јарлаган. Бистиҥ Алтай Республикада узак ӧйдиҥ туркунына ак-чек, једимдӱ иштеп келген педагогтордыҥ, врачтардыҥ, малчылардыҥ, фермерлердиҥ, ӧрт ӧчӱреечилердиҥ, черӱчилдердиҥ билелери кӧп — олор байлык тӱӱкилӱ, бек јаҥжыгуларлу, јӱрӱмдик тӧс байлыктарын ӱйедеҥ ӱйеге улалтып апарат.

Бистиҥ јерлештерис государствоныҥ јеткер болбозын аҥылу јуучыл операция ӧдӱп турган јерде ак-чек јеткилдейт, јерлештерис кажы ла кӱн гуманитар болуш јууйт, кийим-тудум тӱӱйт, керектӱ јазалдарды ӱзеери садып аларын тӧзӧйт. Бистиҥ кажыбыс ла андый ижиле бойыныҥ јерлештерин јӧмӧйт, анайып аҥылу јуучыл операцияда јеҥӱниҥ кӱнин јууктадат.

Јастыҥ ла Иштиҥ кӱнинде Алтай Республиканыҥ Кӱндӱниҥ доскозыныҥ јаҥыртылган галереязын ачары јакшынак јаҥжыгу болуп калган. Быјыл да ол јаҥжыгу улалып барар: бойыстыҥ јарлу улузысты јууп, производственный ла јонјӱрӱм-культурный иштердиҥ башка-башка бӧлӱктеринде бийик једимдерге јеткен мергендӱчилерди макка чыгарарыс.

Тергееде јеткер-неме болбозын јеткилдеер амадула башкарынып, ишмекчи ӧмӧликтердиҥ байрамда чубажып базарын ӧткӱрбес. Је онызы 1-кы Майды јакшы, байрамдык кӱӱн-санаала уткыырына буудак болбос деп быжу бӱдедим.

Кӱндӱлӱ јерлештер! Слерге бек су-кадык, бастыра баштаган керек-јарактарда једимдер, эҥке-тоҥко јадын-јӱрӱм ле јакшы керектер кӱӱнзеп турум!

Олег ХОРОХОРДИН,
АР-дыҥ башчызы, башкарузыныҥ председатели

Алтай Республиканыҥ тоомјылу албаты-јоны!
Кӱндӱлӱ јерлештер!

Слерди Јастыҥ ла Иштиҥ байрамыла — 1-кы Майла акту кӱӱнимнеҥ уткуп турум!

Бу кӱн бистиҥ кӧп тоолу улузыска эҥ ле сӱӱген байрамдардыҥ бирӱзи болот. Ол башка-башка ӱйе улусты бириктирет. Бистиҥ ветерандар 1-кы Майла бойыныҥ јиит ӧйин, иштеги једимдерин колбойт. Јиит улус дезе бойыныҥ келер ӧйи, јаҥы амадуларды ла шӱӱлтелерди јӱрӱмде бӱдӱрери керегинде сананат. 1-кы Май јасты, јаҥыртуны, амыр-тыш јайаачы ишти, бастыра улустыҥ профессиязынаҥ ла јамызынаҥ камааны јогынаҥ бирлигин керелейт.

Бистиҥ республика ишмекчи јаҥжыгуларыла, ишмекчи билелериле, иштиҥ кижизин тооп јӱрериле арга-кӱчтӱ. Јылдыҥ ла бу кӱнде республиканыҥ ла аймактардыҥ кӱндӱӱниҥ досколоры башка-башка бӧлӱктерде — јурт ээлемде, су-кадыкты корыырында, ӱредӱликте, спортто, аргачылыкта ла ӧскӧ дӧ бӧлӱктерде иштеп турган озочыл иштӱ улустыҥ ады-јолдорыла толтырылат.

Бӱгӱн ветерандарга аҥылу быйан сӧстӧр айдарга турум. Олор бистиҥ јаан ла оогош Тӧрӧлистиҥ јилбӱлерине иштеген, тергеениҥ ле ороонныҥ ӧзӱмине јаан камаанын јетирген, јаш ӱйени ак-чек иштеерине таскаткан. Јиит ӱйе канча чактардыҥ туркунына улалган јаҥжыгуларды, чӱм-јаҥдарды ла культураны чеберлеп, слердиҥ баштаган керекти улалтар.

Байрамла, тоомјылу најылар! Слерге бек су-кадык, ырыс, кажы ла айыл-јуртка эҥке-тоҥко јадын-јӱрӱм, бастыра амадулар јӱрӱмде бӱдерин, амыр-энчӱ ле јакшы керек-јарактар кӱӱнзейдим!

Артур КОХОЕВ,
АР-дыҥ Эл Курултайыныҥ председатели

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым