Тӧрӧлине тузалу болоры — учурлу

21.06.2024

Јерлежис, кадровый офицер, ӱч катап Јалтанбастыҥ ордениле кайралдаткан Александр СУРАЗОВ президенттиҥ «Геройлордыҥ ӧйи» деп программазында туружып, финалга чыккан.

Президенттиҥ «Келер ӧйиҥди канайда кӧрӱп туруҥ?» деп сурагына «Тӧрӧлимниҥ јилбӱлерин корып, тузалу болоры — меге эҥ ле учурлу» — деп, ол айтты.

Владимир Путин «Геройлордыҥ ӧйи» деп кадровый ӱредӱлик программа ӧдӱп турган «Сенеж» мастерскойдыҥ ижиле танышты. Программаныҥ баштапкы бӧлӱгинде јуучылдар ла јуучыл ветерандар турушкылайт. Ол тоодо Улаган аймактаҥ кадровый офицер Александр Суразов.

Капитан А. Суразов 2020 јылда Новосибирсктеги бийик командный јуучыл училищени јеҥӱлӱ ӱренип божоткон. Аҥылу јуучыл операцияда туружып тура, кӧп катап шыркалаткан.

Катап ла фронтко барып, Тӧрӧлиниҥ јилбӱзи учун тартышкан.

Александрдыҥ айтканыла, ол тӧрт јаштуда адазын јылыйткан. Энези кару балазын адазына тӱҥей болзын деп чыдаткан. «Јуучыл профессияны мен оогоштоҥ ала талдап алгам. Энем мени ӱредип аларга, ончо бар аргазын берген. Оныҥ учун мен энеме јаантайын быйанду јӱредим.

Чынын айтса, фронтто турган јуучылдарды ӱредӱге алар деп, мен сананбагам. Нениҥ учун дезе ченелтелер ӧдӧр арга јок. Эмди мен Слердиҥ алдыгарда турадым. Командагардыҥ тоозында болгонымла оморкойдым. Бис Слердиҥ бӱдӱмјигерди бӱдӱрерге чырмайарыс.

Меге эҥ ле учурлузы — Тӧрӧлин корыыры, тузалу болоры. Передовойдо јуучыл задачаны да бӱдӱр, госслужащий де болуп иште — башказы јок, тузалу ла болзын» — деп, офицер айтты. Президент Владимир Путин Александр Суразовтыҥ куучынын угуп, јуучылдардыҥ ла јуучыл ветерандардыҥ энелерине чындык јӱректӱ геройлор чыдатканы учун быйанын айтты.

«Геройлордыҥ ӧйи» деп программаныҥ ӱредӱзиниҥ баштапкы бӧлӱгине 83 кижи алылган. Президент туштажуда программаныҥ кажы ла туружаачызыла, јуучыл ветеранла, јуучылла таныжып, эрмек-куучын ӧткӱрди. Программа президенттиҥ јакылтазыла тӧзӧлгӧн. Оныҥ ижи государстволык башкартуныҥ РАНХиГС деп бийик школында ӧдӧт.

Программаныҥ тӧс амадузы — јуучыл ветерандардаҥ ла аҥылу јуучыл операцияныҥ туружаачыларынаҥ бийик квалификациялу башкараачылар белетеери.

Јерлеш офицер Александр Суразовко ӱредӱзин јеҥӱлӱ божодып, Тӧрӧлине тузалу болуп, бийик једимдерге јетсин, омок-седеҥ јӱрзин деп кӱӱнзейли.

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде

Алтайыстыҥ курчузы бек болзын, Албатызы эзен-амыр јатсын…

Алтай албаты бӱдер чагынаҥ ала ада-ӧбӧкӧлӧриниҥ јаҥдаган јаҥынаҥ бек тудунып, јаҥжыккан чӱм-јаҥдарын кандый да ӧйдӧ (Чагаа-Байрам, Јажыл Бӱрдиҥ, Сары Бӱрдиҥ мӱргӱӱлдери ле о. ӧ.) ӧткӱрет. Алтайыныҥ сынына чыгып, јаламазын буулап, Акка-Кӧккӧ, Агару Јайаанына баштанып, кӱндӱӱ-кӱреезин салып, алкыш-быйанын айдат. Амыр-энчӱ, токуналу јадын-јӱрӱм, бала-баркага ачык јол, мал-ажы ардак, тыш туруп, арбыдап ӧссин деп айдынат-алканат. Алтайыста јажыл јай.