Эҥ артык уй саачылар маргыштылар

27.06.2024

Кичӱ изӱ айдыҥ 25-чи кӱнинде уй саачылар ортодо «Ижинде эҥ артык» деп ат ададарына профессионал узыныҥ X республикан кӧрӱ-маргааны Шабалин аймактыҥ Кумалыр јуртында Идубалиндердиҥ крестьян фермер ээлеминде ӧткӧн.

Уй саачы – аҥылу профессия. Ол кажы ла уйдыҥ кылык-јаҥын, кӱӱн-табын ла су-кадыгыныҥ айалгаларын оҥдоор, уй саар техниканы јакшы билер керек. Бу маргаан уй саачылардыҥ ижиниҥ кемин кӧдӱрер, иштиҥ учурын бийиктедер амадула ӧдӧт.

Быјыл ондо бойлорыныҥ узын, профессионал кемин кӧргӱзерге Шабалин, Чой ло Кӧксуу-Оозы аймактардаҥ 13 уй саачы турушты. Кӧрӱ-маргаан эки бӧлӱкле ӧткӧн. Баштапкызында — уйды саарына белетеп, уй саайтан аппаратты кондырар, сааган кийнинеҥ оны уштыыр. Экинчизинде аппаратты јайрадып, ойто јуунадар. Мыныҥ бастыразын ӧйгӧ лӧ чын эдер керек.

Маргаанныҥ кӧдӱриҥилӱ ачылтазында јуулган улусты Шабалин аймактыҥ јааныныҥ баштапкы ордынчызы Эркеш Чылбашев, АР-дыҥ јурт ээлем аайынча министриниҥ баштапкы ордынчызы Владислав Таханов, АР-дыҥ иш, јонјӱрӱмдик ӧзӱм ле эл-јонды ишле јеткилдеери аайынча министриниҥ ордынчызы Эмма Рябченко ло Јекјиектиҥ јурт јеезезиниҥ јааны Василий Алматов уткуп, мӧрӧйдӧ туружып јаткан уй саачыларга кӱӱнземелдерин айттылар.

Оныҥ кийнинде туружаачыларла таныштыру ӧткӧн. Олор — Кӧксуу-Оозы аймактаҥ «Амурский» ле «Абайский» СПК-ларыныҥ, Чой аймактаҥ «ИП Сивцев А. М.» ГКФХ-ныҥ, анайда ок Шабалин аймакта «Алтайдагы экспериментальный ээлем» деп ченелтелер ӧткӱрер станцияныҥ уй саачылары.

Таныштыруныҥ кийнинеҥ АР-дыҥ јурт ээлем аайынча минис-терствозыныҥ мал-аштыҥ угын јарандырар иш аайынча бӧлӱгиниҥ баш специалисти, конкурстыҥ баш јаргычызы Алексей Гравчишин кӧрӱ-маргаанныҥ ӧдӧр аайыла колбулу јартамалдар берген.

Ченемелдӱ уй саачылар кӱнӱҥ сайын эдип турган ижин бу да учуралда эптӱ, бир де маҥзаарыш јогынаҥ бӱдӱрген деп темдектеер керек. Олордыҥ бастыразына ла јеҥӱ бергедий. Ӧткӧн јылда бу кӧрӱ-маргаанда јеҥӱчили «Коксинский» СПК-ныҥ уй саачызы Наталья Куликова болгон.

(Кӧрӱ-маргаанныҥ јеҥӱчилдери ле текши маргаан керегинде элбеде келер номердеҥ кычырыгар).

Виктория БАДАКИНА
Фотојуруктар јурт ээлем министерствоныҥ

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом и.о. главного редактора АУ РА «Редакция газеты «Алтайдыҥ Чолмоны» от _____________ № Кудачина Э.В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир