Настройки отображения

Размер шрифта:
Цвета сайта:
Ностройка изображения
Ностройка изображения

Настройки

Алтайдын Чолмоны

Билгирдиҥ кӱниле!

29.08.2024

Кӱндӱлӱ ӱренчиктер, ӱредӱчилер, ада-энелер!
Слерди Билгирдиҥ кӱниле, јаҥы ӱредӱлӱ јыл башталып јатканыла уткуп турум!
Јаҥы ӱредӱлӱ јыл бистиҥ ӱренчиктерге, студенттерге ле анчада ла 1-кы класстыҥ ӱренчиктерине јаҥы билгирлер ле јаркынду элестер экелерине алаҥзыбайдым. Школды ӱренип божодор ӱренчиктерге бу ӱредӱлӱ јыл јаан учурлу болор, нениҥ учун дезе олор школдыҥ адакы экзамендерин табыштырар ла бойыныҥ келер ӧйдӧ иштейтен профессиязын талдап алар.
Бӱгӱн аҥылу быйан сӧстӧр — балдарды ӱредерине ле таскадарына бастыра бойыныҥ ич-кӧгӱстик ийде-кӱчин берип, јайаандык баштаҥкайлу иштеп турган бистиҥ педагогторго ло таскадаачыларга.
Бастыра ӱренчиктерге ле студенттерге билгирлердиҥ телекейине јол јеҥил ле јилбилӱ болзын деп, ӱредӱзинде јеҥӱлер кӱӱнзеп турум. Ӱредӱчилерге ле ада-энелерге — турумкай болорын ла эҥке-тоҥко јадын-јӱрӱм. Јаҥы ӱредӱлӱ јыл једимдӱ болзын!
Билгирдиҥ кӱниле!

Андрей Турчак,
АР-дыҥ башчызыныҥ, АР-дыҥ башкарузыныҥ председателиниҥ молјуларын удурумга бӱдӱреечи

 

Кӱндӱлӱ балдар, ӱредӱчилер ле ада-энелер!
Слерди акту кӱӱнимнеҥ Билгирдиҥ кӱниле, јаҥы ӱредӱлӱ јыл башталып јатканыла уткуп турум!
1-кы сентябрь — бастыра улуска байрам, ол ырысту эске алыныштарла, сӱӱнчилӱ сакылталарла колбулу. Ӱренери — билгирлерди ийде-кӱчтӱ эп-арга эдип кубултары, ол кандый ла амадуларга једерине болужар. Билгирлер — једимдерге тӱлкӱӱр, оны слер јаҥыс ла ӱредӱде эмес, је анайда ок јӱрӱмниҥ бастыра бӧлӱктеринде тузаланар аргалу. Кӱндӱлӱ ӱренеечилер, билгирлер — слердиҥ келер ӧйигер, јӱрӱмниҥ јаан јолына јол болуп турганын ундыбагар.
Бу кӱнде ӱредӱчилерге база уткуулду ла быйанду сӧстӧр айдарга турум — слердиҥ ийде-кӱчигер, турумкайыгар, кижи кӱӱндӱ болгоныгар слерди ӱренчиктеригердиҥ алдында чындык геройлор эдет. Слер — бистиҥ ӱредӱликтиҥ тӧс байлыгы. Кӱнӱҥ сайынгы турумкай, быжу ижигер учун јаан быйан.
Бастыра ӱренеечилерге ӱредӱде једимдер ле јакшынак уч-турулталар, ӱредӱчилерге — ижине чындык болорын, јаҥы јаан јеҥӱлер, ада-энелерге — ойгор кӱӱн-санаа ла турумкай болорын кӱӱнзейдим! Байрамла!

Артур Кохоев,
Алтай Республиканыҥ Эл Курултайыныҥ председатели

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым