Чемпион!

05.09.2024

Горно-Алтайсктагы госуниверситеттиҥ магистранты, јарлу спортчы Роман Жданов ээчиде база бир јаркынду јеҥӱ алды. Ол Францияда ӧдӱп турган 17-чи Паралимпий ойындарда сууда эжинер бӱдӱмде туружып, 150 метрде болгон јарышта ойто ло чемпион болуп чыкты. Роман анайда ок бу ла Паралимпий ойындарда 200 метр јайым јӱзӱште экинчи јер алган.

Бу тегиндӱ јеҥӱ эмес. Эмди ол Паралимпий ойындардыҥ тӧрт катап чемпионы! Роман ӱч јыл мынаҥ кайра Токиодо ӧткӧн мындый ла ок маргаандарда пьедесталдыҥ эҥ бийик тепкижине ӱч катап кӧдӱрилген. Бу бийик једимле оны Россияныҥ президенти Владимир Путин уткуган. Ороонныҥ башкараачызыныҥ јерлеш спортчыга ийген телеграммазында «Кӱндӱлӱ Роман Александрович! Слерди бу бийик једимле акту кӱӱнимнеҥ уткуп турум. Слер телекейдиҥ тыҥ спортчыларын чик јок акалап, ойто ло катап Паралимпий ойындардыҥ чемпионы болуп чыктыгар. Акту бойыгарга бу јаан једим. Слер ороонныҥ јуунты командазыныҥ текши кӧргӱзӱлерине база јаан ӱлӱгерди коштыгар. Јаҥы јеҥӱлерге једигер. Слерге јаҥыс ла јакшыны кӱӱнзейдим» деп айдылат.

Роман Ждановты Алтай Республиканыҥ башчызыныҥ молјуларын удурумга бӱдӱрип турган Андрей Турчак база уткуды. Оныҥ айтканыла, су-кадыгынаҥ кирелӱ јерлеш спортчы уур-кӱчтерди ле буудактарды турумкай ӧдӱп, арткан спортчыларга јозок кӧргӱзип јат. Ол «Романныҥ јана баспас кылык-јаҥыла јаҥыс ла оморкоор керек. Бу спортчыда чемпион кижиниҥ чындаптаҥ ла бек чыдузы бар» деп темдектеген. Андрей Турчак оныҥ јаркынду јеҥӱзине бастыра Алтай Республика сӱӱнип јат деп айдып, ого бу неделеде болотон база эки маргаанда андый ла ок рекордтор кӱӱнзеген.

26 јашту чемпион Горно-Алтайскта чыккан ла ӧскӧн. Ол каланыҥ 10-чы таҥмалу школында ӱренген. Кийнинде ГАГУ-ныҥ психолого-педагогикалык факультедин божоткон. Алтай Республиканыҥ јарлу тазыктыраачыларыныҥ бирӱзи Ирина Кригерде таскадынган. 2013 јылдаҥ ала Бийскте «Заря» спорткомлексте Россияныҥ нерелӱ тренери Елена Соколовада тазыктырынат.

Роман — телекейдиҥ кӧп катап чемпионы, телекейдиҥ рекорд-смени, Европаныҥ ла Россияныҥ чемпионаттарыныҥ јеҥӱчили. Ол сууда эжинер бӱдӱмле Россияныҥ спортыныҥ телекейлик кемдӱ узы, Г. И. Чорос-Гуркинниҥ адыла адалган јондык сыйдыҥ лауреады.
«Алтайдыҥ Чолмоны» газеттиҥ ӧмӧлиги Романды јаан јеҥӱле уткуйт.

ТОП

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде

Алтайыстыҥ курчузы бек болзын, Албатызы эзен-амыр јатсын…

Алтай албаты бӱдер чагынаҥ ала ада-ӧбӧкӧлӧриниҥ јаҥдаган јаҥынаҥ бек тудунып, јаҥжыккан чӱм-јаҥдарын кандый да ӧйдӧ (Чагаа-Байрам, Јажыл Бӱрдиҥ, Сары Бӱрдиҥ мӱргӱӱлдери ле о. ӧ.) ӧткӱрет. Алтайыныҥ сынына чыгып, јаламазын буулап, Акка-Кӧккӧ, Агару Јайаанына баштанып, кӱндӱӱ-кӱреезин салып, алкыш-быйанын айдат. Амыр-энчӱ, токуналу јадын-јӱрӱм, бала-баркага ачык јол, мал-ажы ардак, тыш туруп, арбыдап ӧссин деп айдынат-алканат. Алтайыста јажыл јай.