Бисти ундыбагар...

Бисти ундыбагар…

29.11.2024

Кӱчӱрген айдыҥ 22-чи кӱнинде А. В. Анохинниҥ адыла адалган эл музейде «СВОи ГЕРОИ» деп адалган кӧрӱ-выставка ачылды.

Кӧрӱ-выставканыҥ ачылтазында Россия-ныҥ Геройы, Генеральный штабтыҥ баш башкартузыныҥ 24-чи аҥылу гвардейский бригадазыныҥ аҥылу бӧлӱгиниҥ командири, гвардияныҥ кичӱ лейтенанты Данияр Джартанов кӧрӱ-колбу ажыра уткуулын ийди. «Кажы ла јуучылдыҥ јалтанбас керегиле оморкойдыс. Кӧрӱ-выставка ӧткӱрилип турганы учурлу, анчада ла јашӧскӱримди тӧрӧлчи кӱӱнге таскадарга јаан алтам. Кӧрӱде тургузылган кажы ла эдим — Тӧрӧлистиҥ тӱӱкизиниҥ бӧлӱги» — деп, ол айтты.

Анайда ок јуулгандарды база ла кӧрӱ-колбу ажыра Россияныҥ Геройы, гвардияныҥ майоры, Россия Федерацияныҥ сенаторы Амыр Аргамаков алтай тилиле уткуды.

АР-дыҥ башчызыныҥ, АР-дыҥ башкарузыныҥ председателиниҥ ижин удурумга бӱдӱреечи Эжер Малчинов уткуулында аҥылу јуучыл операцияныҥ туружаачыларына нерези ле јалтанбазы учун алкыш-быйан айтты. «Анайда ок тергеениҥ ончо эл-јонына јуучылдарысты јӧмӧжип, Јеҥӱни јууктадарына јаан ла учурлу иш ӧткӱрип турганыгар учун база быйаным айдадым» — деди.

АР-дыҥ парламентиниҥ вице-спикери Татьяна Гигельдиҥ айтканыла, јуучылдарыстыҥ кӧрӱ-выставкада кӧргӱзилген јеҥӱлериле, олордыҥ јалтанбас алтамдарыла, билгир јуучыл стратегияла, тактикала, тылдагы эл-јонныҥ болуш јетирип турганыла таныжадыс.

Аҥылу јуучыл операцияныҥ ветеранда-рыныҥ ассоциациязыныҥ председатели, јуучыл ветеран Игорь Черниковтыҥ айтканыла: «Бистиҥ кичинек республикабыста кандый кӧп геройлор барын кӧрӱп кайкаарыҥ, оморкоорыҥ. Тӧрӧлиниҥ јилбӱлерин корыыр учурлу керекте јуучылдардыҥ кемизи де тууразында артпаган».

«Тургузылган фотојуруктардаҥ јуучылдар биске удура кӧрӱп, «Бисти ундыбагар, бис тирӱ» деп айдыжып тургандый. Аҥылу јуучыл операцияныҥ кажы ла туружаачызы — Герой.

Кӧп тоолу јуучылдардыҥ фотојуруктары тургузылбаган, је бу баштапкы ла алтам. Фотојуруктарды, јетирӱлерди јуур иш улалганча. Айдарда, кӧрӱ-выставкалар ӧткӱрилери база улалар. Бис кемди де ундыбазыс» — деп, музейдиҥ јааны Римма Еркинова айтты.

Фронттогы айалгала јӱрегисти тым тудуп таныжадыс. Казыр ӧштӱни оодо согоры — кажы ла јуучылдыҥ амадузы. Ончобыс нак болуп, бутка туруп, бирлигисле, ийдебисле Јеҥӱге једерис деп ижемји кемди де артырбайт. Бӱгӱнги кӱнде бисле кожо јок јуучылдар јажына јӱректеристе артар. Тӱӱкилик јол качан да ундылбас.

Музейге эдимдер ле јетирӱлер јууры Улаган аймактаҥ башталган. Иш оноҥ ары тергеениҥ ӧскӧ аймактарыла улалары темдектелет. Кӧрӱ-выставканыҥ ижи 2025 јылдыҥ чаган айыныҥ ортозына јетире ӧткӱрилер.

Хамида ТАДИНА
Евгений БУТУШЕВТИҤ фотојуруктары

ТОП

«Гуркин» деген телекей: ачылталар ла јажыттар

Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы

«Јурукчыныҥ јуртын орныктырары – тӧс иш»

Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым