Jайалталу эjебис

27.03.2025

Бир катап Татьяна Айачиновна ТОЕНОВА мынайда айткан эди: «Бастыра бичиген бичимелдеримниҥ кажы ла jолдыгы, сӧзи меге таныш ла кару. Нениҥ учун дезе элдеҥ озо мен улуска буурзап ла карузып, јӱрӱмде олорго сӧслӧ дӧ болзо jӧмӧжип, сӱӱнчи сыйлаарга санангам. Оныҥ учун кажы ла бичимелиме jӱрегимниҥ jылузын бергем…»

Эзин-салкын шуулаган, jаан-jаан ӧзӧктӧрлӱ, элбек jалаҥдарлу Экинур jуртыста Айачы Тоеновтыҥ ла Анна Евсееваныҥ билезинде 1945 jылда кыс бала чыккан. Кызычакка кара неме табарбазын деп байланып, Таакылу ийт деп ат бергендер. Ол jаанап, школго барар ӧй jеткен. Баланыҥ адын алтайлап Тана, орустап Таня деп солыгандар.

Адазы Ада-Тӧрӧл учун Улу jууда туружып, Алтайына шыркалу jанып келген. Тӧрӧл колхозына иштеп, шырказынаҥ улам 1953 jылдыҥ jайында Горно-Алтайсктыҥ эмчилигинде jада калган.

Таня Горно-Алтайсктагы кооперативный училищени божоткон. Энези колхозто уй саачы болуп иштеп турарда, кызычак энезине болужып, узак jылдардыҥ туркунына уй саачыныҥ ижин бӱдӱрген. Коммунист болуп, кӧп-кӧп jуундарда туружатан. Jакшы ижи учун колхозтыҥ озочылдарыныҥ тоозына кирип, Москвада ВДНХ-га барып келген. Колхозтыҥ ла аймактыҥ кӧп тоолу мактулу грамоталарыла, сыйларыла кайралдаткан.

Экинур jурттыҥ корреспонденти болуп, jерлештериниҥ jадын-jӱрӱмин, ижи-тожын, «22 Партсъезд» колхозтыҥ jедимдери керегинде «Алтайдыҥ Чолмоны» ла «Кан-Чарас» газеттерде бичиген. Татьяна Айачиновна газеттердиҥ jарлаган «Jажын-чакка Россияла кожо», Ада-Тӧрӧл учун Улу jууда Jеҥӱниҥ кӱнине учурлай, алтай албатыныҥ чӱм-jаҥдары ла оноҥ до ӧскӧ конкурстардыҥ эрчимдӱ туружаачызы.

2005 jылдаҥ ала Т. А. Тоенова Россия Федерацияныҥ Журналисттер биригӱзиниҥ турчызы. Бичиген статьялары, очерктери тӧрӧл тергеебистиҥ, аймактыҥ ла jурттыҥ тӱӱкилик jӱрӱмине тузалу кереес болгонын Алтай Республиканыҥ башкарузы баалап, 2006 jылда Эл Курултайдыҥ Кӱндӱлӱ грамотазыла кайралдаган.

Jурттыҥ Культура туразында фольклор ӧмӧликтиҥ туружаачызы болуп, ол Эл-Ойындарда, аймактыҥ ла jурттыҥ байрамдарында эрчимдӱ туружып, омок-седеҥ јӱрет.

Кару јерлежис Татьяна Айачиновнаны толгон 80 jажыла уткуп, мындый алкыштар кӱӱнзейдис:

Кӱнниҥ чогы кеберлӱ
Кӧзигер чогы курч болзын,
Суудагы талдый корболу
Су-кадыгар бек болзын.
Арка-сынаар jеҥил болзын,
Ал-санаагар амыр jӱрзин!
Алтайыстаҥ алкышту,
Кудайыстаҥ курчулу јӱрӱгер!

Раиса ТЕМЕЕВА

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде