Россияныҥ Геройы. Оморкойдыс. Карыгадыс

10.04.2025

РФ-тыҥ Президентиниҥ јакылтазыла АР-дыҥ башчызы Андрей Турчак Россияныҥ Геройыныҥ «Алтын Чолмонын» старший лейтенант Александр Темирбекович Кусковтыҥ эш-нӧкӧрине ле ада-энезине табыштырган. Јерлеш јуучылыс бу бийик кайралла јеҥ јастанган кийнинде кайралдаткан.

Александр Кан-Оозы аймакта Чаргы-Оозы јуртта чыккан, јербойындагы баштамы школдо ло оноҥ Горно-Алтайск каланыҥ 6-чы таҥмалу школында ӱренген. Ол колдомдожып согужарыныҥ секциязына јӱрген, башка-башка кеминде маргаандарда турушкан.

Экономиканыҥ Горно-Алтайсктагы техникумында юристтиҥ профессионал ӱредӱзин алган. 2020 јылда Рязаньдагы гвардейский бийик ӱредӱлӱ кей-десантный командный училищени божоткон. Училищениҥ кийнинеҥ черӱчил службазын РФ-тыҥ Черӱчил ийде-кӱчтериниҥ Генштабыныҥ баш башкартузыныҥ бӧлӱктеринде ӧткӧн. Јалтанбастыҥ ордениле, Суворовтыҥ ла «Јалтанбазы учун» медальдарла кайралдаткан.

Башчыныҥ айтканыла болзо, Герой бойыныҥ черӱчил молјузын ла чертин учына јетире бӱдӱрип, 2024 јылдыҥ кӱчӱрген айында Сирияда јеҥ јастанган. «Тоозы чик јок артыкташ ӧштӱле јуу-согушта Кусков таҥынаҥ бойы ӧштӱниҥ танкын јоголткон. Осколокло тыҥ шыркаладып та ийген болзо, ӧштӱле адыжарын улалтып, бойыныҥ группазы кайралап барарын јеткилдеген. Нӧкӧрлӧрин аргадап турала, бойыныҥ јалтанбазын ла ат-нерезин кӧргӱзип, теҥ-тай эмес јуу-согушта корогон» — деп, Андрей Турчак темдектеген.

Башчыныҥ айтканыла, бу ат-нере Тӧрӧлистиҥ тӱӱкизине Чаргы-Оозынаҥ Ада-Тӧрӧл учун Улу јуу тушта Геройлор болгон улустыҥ — Илья Захарович Шуклинниҥ, Сергей Кириллович Уфимцевтиҥ, Кыдран Александрович Тугамбаевтиҥ ле Жанибек Акатович Елеусовтыҥ ады-јолдорыла кожо ӱргӱлјикке бичилип калар.

«Бистиҥ јеристе мындый Геройлор ак-јарыкка туулып-чыгып турарда, Россияны кем де качан да јеҥип болбос. Геройды таскатканы учун ада-энезине — Елена Геннадьевнага ла Темирбек Татарбековичке јабыс бажырадыс.

Јуучыл Александрга ӱргӱлјик эзем ле јаткан јери јымжак болзын» — деп, Андрей Турчак айткан.

Кайралды табыштырары бир минут унчукпай турганыла тӱгенген.

База бир оморкодулу, је карыкчалду јетирӱ: бу кӱндерде Россияныҥ Геройы деп ат-нере јеҥ јастанган Айдар Карабашевке адалган. Ол керегинде келер номерлердиҥ бирӱзинеҥ кычырыгар.

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде