Ады-јолы ӱргӱлјикке артар

17.04.2025

Россияныҥ Президентиниҥ Јарлыгыла бистиҥ јерлежис, гвардияныҥ лейтенанты Айдар Петрович Карабашевке аҥылу јуучыл операция ӧдӱп турган јерде јуучыл јакылтаны бӱдӱрер тушта јалтанбазын, ат-нерезин кӧргӱскени учун Россияныҥ Геройы деп ат-нере јеҥ јастанган кийнинде адалган.

Айдар Петрович 1989 јылдыҥ кӱӱк айыныҥ 28-чи кӱнинде Улаган јуртта чыккан. Аказы Виталийле кожо јаш тужында ла ада-энези јок артып, тӧрӧӧн-туугандарында чыдаган-ӧскӧн.

Школдыҥ кийнинеҥ физический культураныҥ Прокопьевсктеги техникумында ӱренген. Оноҥ Томсктогы архитектурно-строительный университетти ӱренип божоткон. Ол самбо ло дзюдо кӱрештерле тазыктырынган, Россияныҥ Минспортыныҥ 2014 јылдыҥ јаан изӱ айыныҥ 7-чи кӱнинде кол салылган 69-нг таҥмалу јакарузыла ого «Россияныҥ спортыныҥ узы» деп кӱндӱлӱ ат адалган.

Черӱчил молјузын Улан-Удэ калада 11-чи таҥмалу таҥынаҥ десантно-штурмовой бригадада ӧдӱп турала, корулаш аайынча министерстволо контракт тургузып, служебный јакылталарды Сирияда ла Чечняда эки катап бӱдӱрген.

Аҥылу јуучыл операцияда башталганынаҥ ла ала туружып, ол 11-чи таҥмалу таҥынаҥ десантно-штурмовой бригаданыҥ баштапкы десантно-штурмовой батальоныныҥ инженерный службазыныҥ јааны болгон. Тӧрӧлин корыырында ат-нерелӱ турушкан јалтанбас јерлежис 2024 јылдыҥ ӱлӱрген айыныҥ 16-чы кӱнинде Курский областьта Суджанский райондо Черкасская Конопелька деп јуртты националист-ӧштӱнеҥ јайымдаар јуу-согушта јеҥ јастанган. Мӧҥкӱзин 2024 јылдыҥ ӱлӱрген айыныҥ 23-чи кӱнинде тӧрӧл Улаган јуртында кӧдӱргендер.

Јуучыл молјузын ак-чек бӱдӱрген, јалтанбазын ла ат-нерезин кӧргӱскен, бистиҥ ороонныҥ јеткер болбозын ла албатыбыстыҥ амыр-тыш јадын-јӱрӱмин јеткилдеери учун јӱрӱмин берген јерлежис А. П. Карабашев Јалтанбастыҥ ӱч ордениле, Жуковтыҥ медалиле кайралдаткан. Ол эш-нӧкӧриле кожо 2 бала азырап-чыдаткан.

Јерлештери, јуук улузы, кожо јуулашкан најылары, бастыра албаты-јон Россияныҥ Геройы А. П. Карабашевти качан да ундыбас, оныҥ ады-јолы орооныстыҥ ла тергеебистиҥ тӱӱкизинде алтын таныктарла ӱргӱлјиге бичилген. Герой јерлежис албатыныҥ эземинде ол ло кижилик кӱӱндӱ, сӱӱнчилӱ кылык-јаҥду, ачык јӱректӱ бойынча јаантайынга артар. Бу јаан јылыйтула колбой оныҥ тӧрӧӧн-туугандарына олорло кожо тереҥ карыгып турганысты jетирип турубыс, јаткан jери jымжак болзын.

Оныҥ аказы Виталий Петрович Карабашев база СВО-ныҥ јеринде јуулажып јат: гвардияныҥ офицери бойыныҥ ат-нерелӱ јуучыл керектериле Россияныҥ албатызы ортодо текшилей јарлу.

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде