Адазынаҥ уулына

29.09.2025

Фотојуруктаҥ слер мундус сӧӧктӱ Амыр Чарагановты кӧрӧдигер. Амыр Олегович Оҥдой аймактыҥ Ийин јуртында чыккан. Угы-тӧзиле Кайырлык јурттаҥ.

1996 јылда ада-энези Горно-Алтайск јаар кӧчӱп келген. Ол сыраҥай ла кӱч ӧйлӧрдӧ адазы Олег Николаевич эки уулы Амырды ла Юраны ээчидип, тудум иштерге ӱреткен, таскаткан. Олег Николаевич колы ус, иштеҥкей, бойыныҥ ӧйинде столяр болгон кижи, калада кӧп улустыҥ тураларын быжу туткан, оныҥ болушчылары эки уулы болгон. 2015 јылда адазы кенейте јада калган. Оныҥ уулдарына берген таскадузы энчи болуп артып калган. Ол ло јаш туштаҥ ала кату-кабыр тудум иштерге темигип калган Амыр Олегович бойыныҥ бригадазын јууп, база туралар тудуп баштаган. Оноҥ адазыныҥ јолын улалтып, столяркада иштеп ӱренген.

Бӱгӱн Амыр Олегович таҥынаҥ аргачы болуп јат. Бойыныҥ мастерской-туразын тудуп, ондо јакшынак эдимдер эдет. Ус колду јерлежис јараш тепкиштер, чыҥдый эжиктер, быжу мебель јазайт.

Амыр Олегович бу јылдыҥ чаган айында јонјӱрӱмдик контракт аайынча 350 муҥ салковой алган эмтир.

«Јонјӱрӱмдик контрактта туружарга узак санангам, је ӱлекеримди јазап, оны једимдӱ корулап ийгем. Келишкен акчала инструмент-јепселдер, станоктор алгам. Бу сӱрекей керектӱ контракт, бойыныҥ керегин ачарга турган улуска кӧп сананбай, јалтанбай, ондо турушсын деп кычырадым» – деп, Амыр Олегович айдат.

Амыр Тимур ла Амира деп балдардыҥ кару адазы. «Бастыра кӱчимди, ижи-тожымды балдарыма учурлайдым» – деп, ол айдат. Кичинек Тимур јаантайын адазыныҥ јанында, оноҥ-мынаҥ тудужып, болужарга кичеенет. Адазынаҥ уулына энчиленип барып јаткан јӱрӱмдик јаан керек оноҥ ары улалар.

Виктория Бадакина
Евгений БУТУШЕВТИҤ фотојуруктары

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде