Паар, перек бар…

07.10.2025

Кажы ла албаты бойыныҥ культуразыла, чӱм-јаҥыла, аш-курсагыла аҥыланат. Бу ончозы албатыныҥ јадын-јӱрӱмиле јуук колбулу. Тергеебисте јаткан туба, куманды ла чалканду албатылардыҥ аш-курсагын амзап тура, бойыма јаантайын ачылта эдедим.

Кадыргыщ, сӱт јерјеглек, ток-чок, перек, паар, карбалјын, одорок ло оноҥ до ӧскӧзи солун. Аттарынаҥ уксаҥ, таныш эмес ле аш-курсак, тургуза ла амзап кӧрӧр кӱӱниҥ келер. Је табылу шӱӱп кӧрзӧҥ, алтай курсакка тӱҥейлеш. Темдектезе, кадыргыщ дегени — ол кӱлге кӧмӱп, кадыра быжырган теертпек, сӱт јерјеглек — сӱтке колып салган јиилек-кат. Паар дегенин боор деп оҥдоп ло ийген болбойыгар.

Одорок — ол оок балыкты тишке тийзе, кыјырап турар этире кадырып салганы. Тӱндӱк албатылар балыктаарын тыҥ сӱӱр, олордыҥ туткан балыктары ончозы тузаланылат. Јаан балыктаҥ кӧп аш-курсак белетелип турган болзо, эҥ ле оокторынаҥ, 3-4 см кирезинеҥ, база да кӧп тоолу амтанду курсак белетеерге јараар деп билип алдым. Одорокты онойып ла јиирге јакшы, анчада ла јол-јорукта сӱрекей эптӱ, кошко алып та јӱрерге бескези јеҥил. Ол эмезе оны кымындап, сарјула, ӧскӧ дӧ кошмокторго кожуп, башка-башка бӱдӱмдерлӱ эдип колло тудуп белетеп, јиирге јакшы.

Кажы ла јаан байрамда, ол тоодо биленийинде, эҥ ле сӱӱген аш-курсак перек эмтир. Ол кандый курсак болгонын Бийка јурттаҥ чалканду укту Лариса Михайловна Салтаева јартады. «Перекти белетеерине малдыҥ ич карын јуузы, картошко ло согоно керек. Ончозы оок эдип октолып кезилет. Јымыртканаҥ, тустаҥ ла кулурдаҥ тестези тудулат. Олор вареникке тӱҥейлеш, је бӱдӱми јаан болор ло учтары толголыштыра јапшырылат. Перек бистиҥ јип турган јаантайынгы курсак болор. Јуу бар болзо, кӱнӱҥ де белетеп јиирге јараар. Анчада ла балдар оны јиирге јакшызынат. Эки-ӱч ле болчокты јип алзаҥ, сен ток-тойу» — деп, ол айтты.

Хамида ТАДИНА

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде