Профессионал ӧзӱмниҥ ээчий текпижи

20.02.2026

Кочкор айдыҥ 16-чы кӱнинде «Профессионалдар» деген тергеелик чемпионаттыҥ кӧдӱриҥилӱ ачылтазы Горно-Алтайск калада ӧтти. Текши 150 туружаачы 26 ууламјыда бойыныҥ билгирлерин кӧргӱзип маргыжар. Ӱренчиктер «Юниорлор» деп бӧлӱкте туружар.

«Чемпионаттыҥ туружаачылары — келер ӧйдӧ Алтай Республиканы ӧскӱретен ӱйе. Устар, инженерлер, технологтор, аргачылар — олордоҥ бистиҥ экономика келер ӧйдӧ кандый болоры камаанду. «Профессионалдар» деген чемпионаттыҥ туружаачылары јӱк ле бойлорыныҥ билгирлерин кӧргӱзип турган эмес. Олор бойлорыныҥ једимиле ӱлежип, Алтай Республиканы ӧскӱрер команданыҥ турчылары да болуп калардаҥ маат јок» — деп, АР-дыҥ башкарузыныҥ председатели Александр Прокопьев айтты.

Эл Курултайдыҥ председателиниҥ ордынчызы Татьяна Гигельдиҥ айтканыла, парламент профессионал ӱредӱликке, јиит специалисттерге ле олордыҥ шеф-таскадаачыларына јаан ајару эдет. «Орто ӱредӱликте ӧткӱрилип турган чемпионат јаан учурлу бӱткӱл кыймыгу болуп ӧскӧн. Оныҥ шылтузында колледжтерде, техникумдарда бир канча солынталар кийдирилип, ӱредӱлик пландар јаҥыртылып, јаҥы методикалар тузаланылат» — деп, АР-дыҥ ӱредӱлик ле билим аайынча министри Ольга Саврасова айтты.

«Профессионалдар» деген текшироссиялык чемпионат кыймыгуны РФ-тыҥ ӱредӱлик министерствозы ла профессионал ӱредӱликтиҥ ӧзӱминиҥ институдыныҥ федерал операторы јӧмӧйт. Оныҥ ӧткӱреечилери: АР-дыҥ ӱредӱниҥ ле билимниҥ министерствозы, М. З. Гнездиловтыҥ адыла адалган политехнический колледж, Кӧксуу-Оозындагы отраслевой технологиялардыҥ техникумы, Горно-Алтайсктагы ӱредӱчилер, медишчилер белетеер ле аграрный колледжтер. Маргаандар бу ӱредӱлӱ заведениелерде ӧткӱрилет.

Чемпионат мындый компетенция-ууламјылар аайынча ӧткӱрилет: казанчы-ныҥ ижи, отельдеги иштерди башкарары, моданыҥ технологиялары, веб-технология, аргачылык, туризм, электромонтаж, каҥдаачыныҥ ла садучы-кассирдиҥ ижи, стенелерге плиткалар јапшырары, ветеринария, агрономия, медициналык ла јонјӱрӱмдик болуш, школго баргалак балдарды таскадары, вожатыйдыҥ ижи, оогош класстардыҥ балдарын ӱредери, физический культура, спорт ло фитнес, јуртээлемдик машиналарды тузаланары, ишти корулаары ла адарулар тудары.

Виктория Зорина каладагы ӱредӱчилер белетеер В. А. Сластёнинниҥ адыла адалган колледжтиҥ алтай бӧлӱгиниҥ 4-чи курсыныҥ студенти. Ол бу чемпионатта экинчи катап туружат. Ӧткӧн јылда ол вожатыйлар ортодо бойын ченеп кӧргӧн болзо, ӧдӱп јаткан маргаанда оогош класстардыҥ ӱредӱчилери деген ууламјыда бойыныҥ билгирин кӧргӱзет.

Хамида ТАДИНА
Евгений Бутушевтиҥ фотојуругы

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде