ГАГУ: јазашту иштер

12.03.2026

Горно-Алтайсктагы государственный университеттиҥ бастыра общежитиелеринде ле тӧс корпусында јазашту иштер ӧдӧр.

Республиканыҥ сок јаҥыс вузыныҥ материально-техникалык тӧзӧлгӧзин јаҥыртары ГАГУ-ныҥ Попечительский совединиҥ јуунында шӱӱжилген. Тергеениҥ башчызы Андрей Турчак бу советтиҥ башкараачызы болуп тура, ӱредӱлик заведениеге толо кеминде модернизация керектӱзин темдектеген.

Попечительский советтиҥ кажы ла туружаачызына тудум эмезе јазашту иштердиҥ кандый бир бӧлӱги кӧстӧлгӧн. Инвесторлордыҥ јӧмӧлтӧзиниҥ шылтузында иштер быјыл башталар.

Планда темдектелгени — университеттиҥ бастыра общежитиелеринде јазашту иштер ӧдӧр. Озо ло баштап ӱчинчи таҥмалу общежитиеде — јазашту иштер эки јыл улалар. Оныҥ кийнинде — экинчи ле баштапкы таҥмаларлу общежитиелерде. ГАГУ-ныҥ тӧс корпусында јабынтыны, инженерный сетьтерди, актовый ла спортивный залдарды, аудиторияларды јаҥыртар.

2027-2030 јылдарда алтаистиканыҥ институдыныҥ, физико-математический факультеттиҥ, аграрный колледжтиҥ ле библио-теканыҥ тураларыныҥ алды јанда-рын јазаары темдектелген.

«Ветеринарный клиниканыҥ туразын ла спорттыҥ площадказын типовый ӱлекерлер аайынча тудары јанынаҥ ӱзеери јӧптӧшкӧнис» — деп, тергеениҥ башкараачызы айткан.
База бир курч сурак — университет акча-манатла јылдыҥ ла јетире јеткилделбей турганы. РФ-тыҥ билим ле бийик ӱредӱ аайынча министри Валерий Фальковло јӧмӧлтӧ эдери јанынаҥ јӧптӧшкӧн. «Бойыстыҥ јаныстаҥ антикризисный штаб тӧзӧгӧнис. Ого башкаруныҥ председателиниҥ ордынчылары, советтиҥ туружаачылары, ГАГУ-ныҥ преподавательдери кийдирилген. Университеттиҥ акча-манат јанынаҥ айалгаларын јарандырары аайынча иштерди бӧлӱктей ӧткӱретен план кандык айдыҥ ортозы кирезинде белетелип калар» — деп, башчы јартаган.

База бир јаан учурлу ууламјы — тӧс профессияларга кадрлар белетеери, ол тоодо бизнеске. Совет бу иште база туружар.

«Мында биске кадрлар белетеери јанынаҥ јаан аргачылыктыҥ чыгартулу улузыныҥ јанынаҥ јӧмӧлтӧ, шӱӱлтелер керек. Ӧмӧ-јӧмӧ ӱредӱлик программалар белетеер, јаан предприятиелердиҥ кафедраларын бисте ачар арга бар деп бодойдым» — деп, ГАГУ-ныҥ ректоры Евгений Павлов айткан.

Башчыныҥ темдектегениле, ээчиде сурактарды ла стратегический амадуларды тӱрген-тӱкей аайлаштырарга ла бӱдӱрерге болуп, Попечительский советтиҥ туружаачыларыныҥ ӧмӧ-јӧмӧ ижи формальный болбос керек: «ГАГУ эмдиги ӧйдиҥ ӱредӱлик заведениези чылап ӧссин, республиканыҥ кӱӱнзеген кажы ла кижизи анда ӱренер аргалу болзын.

Университеттиҥ келер ӧйине акча-манат ла ийде-кӱч салганы — бистиҥ кадрларга ла экономикага тӧзӧлгӧ эткени».

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде