Тергеениҥ предприятиелериниҥ ижиле танышкан

12.03.2026

Россияныҥ экономиканыҥ ӧзӱми аайынча министри Максим Решетников Алтай Республикада ишмекчи јол-јорукла болгон.

Ол тергеениҥ инвестиционный ӱлекерлер аайынча иштеп турган бир канча предприятиелериниҥ ижиле таныжып, республиканыҥ башкарузыныҥ председатели Александр Прокопьевле туштажу ӧткӱрген. Туштажу ӧдӧр тушта тергеениҥ ӧзӱминиҥ таҥынаҥ программазын (ИПР) бӱдӱрери аайынча иштердиҥ ортозындагы уч-турулталары, туризмниҥ бӧлӱгиниҥ айалгазы ла келер ӧйи јанынаҥ сурактар шӱӱжилген.

Максим Решетников нацӱлекерлерди ле ИПР-ды бӱдӱрериниҥ кеминде јӧмӧлтӧ алган предприятиелерде болгон.

Эҥ ле јаан ӱлекер — аэропортты јаҥырта тудар иштердиҥ кеми 10 млрд салковойдоҥ кӧп. Иштер бӱткен соҥында авиапассажирлердиҥ учуштарын јыл туркунына јеткилдеер аргалар чик јок кӧптӧӧр — 557 муҥнаҥ 1,3 миллион кижиге јетире. Бу ок ӧйдӧ тергеениҥ авиајеткилдежиниҥ чыҥдыйы јакшы јанына кубулар.

Алтай Республиканыҥ ӧзӱминиҥ таҥынаҥ программазы 2025-2030 јылдарга тургузылган ла федерал бюджеттеҥ алты миллиард салковой кеминде болуш эдилери темдектелет.

Александр Прокопьевтиҥ куучындаганыла, ИПР-да темдектелген иш-керектердиҥ шылтузында 2025 јылдыҥ уч-турулталарыла улус иштеер 1,5 муҥ јаҥы јерлер тӧзӧлгӧн, 20 млрд салковой кеминде инвестициялар тузаланылган ла 617 миллион салковой каландар кӧчӱрилген. Бастыра тоо-кӧргӱзӱлер пландалганынаҥ бийик.

«Республиканыҥ башкарузыныҥ јердиҥ амнистиязы ажыра туризмниҥ бӧлӱгинде айалга ачык-јарык болорын јеткилдеери аайынча бир чук ижиниҥ шылтузында бийик кӧргӱзӱлерге јеткен — деп, Александр Прокопьев темдектеген. — Јӱк ле калганчы јылда бу бӧлӱкте ачык-јарык айалгада иштеп турган субъекттердиҥ тоозы 1,5 катапка кӧптӧп, 2,5 муҥ кирезине јеткен».

Јеткилдештериниҥ чыҥдыйы бийик коночылыктардыҥ тоозы эки јылдаҥ ас ӧйдиҥ туркунына сегис катапка кӧптӧгӧн. Кӧчӱрилип турган каландардыҥ кеми база кӧптӧгӧн — 2025 јылда турбизнес бириктирилген бюджетке 1,7 млрд салковойдоҥ кӧп акча кӧчӱрген.

«Слер турбизнести ачык-јарык айалгада иштеерине токуналу куучын-эрмектер, ӱредӱлик иш ажыра элбеде чыгарган баштапкы тергее болуп јадыгар. Бу ишти слер једимдӱ бӱдӱрдигер» — деп, Максим Решетников темдектеген.

Александр Прокопьевтиҥ аҥылаганыла, тергееде улус иштеер јерлерлӱ, каландарлу, иш јанынаҥ аайлу-башту ээжилерлӱ легальный туризм тӧзӧлгӧн лӧ андый иш оноҥ ары улалар.

2026 јылда ИПР-дыҥ акча-манадыныҥ 45 процент кирези, ол кайда да 475 миллион салковой кире, бу бӧлӱктиҥ ӧзӱмине ууландырылар: кадрлар белетеерине, инфраструктураны ӧскӱрерине, кичӱ бизнести јӧмӧӧрине.

«Алтай Республиканыҥ ӧзӱминиҥ аайы кубулат — ол јаҥы аргаларга, јаҥы точкаларга јууктап келген. Мында тӧзӧлип турган продукт — республиканыҥ јери: оныҥ ар-бӱткени, культуразы, таҥынаҥ айалгалары эмдиги ӧйдиҥ инфраструктуразыла колыш — кайкамчылу аргалар тӧзӧйт. Олорды ичкерледер ле керек» — деп, адакыда Максим Решетников айткан.

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде