«Су-кадык бол!»

08.04.2026

Башкӱн, кандык айдыҥ 7-чи кӱнинде, тергеениҥ тӧс стадионы «Спартакта» «Су-кадык бол!» деп атту бастырароссиялык зарядка ӧтти. «Россияныҥ Ийдези» деген элбек кемдӱ бу федерал кыймыгу-марафонды јылдыҥ сайын «Единая Россия» партия тӧзӧп ӧткӱрет. Бу ӧйдӧ стадиондордыҥ јалаҥдарына ороонныҥ бастыразына шыдар тергеелериниҥ спорт ло физкультура сӱӱчилери чыгып, Су-кадыктыҥ кӱнинде туружат.

Горно-Алтайскта бастырароссиялык зарядкага учурлалган кӧдӱриҥиде турушкан физкультура сӱӱчилерди — ишмекчилерди, ветерандарды, балдардыҥ садиктериниҥ болчомдорын, ӱредӱлӱ заведениелердиҥ студенттерин, школдордыҥ ӱренчиктерин, стадионго бӱткӱл билелериле келгендерди Алтай Республиканыҥ башкарузыныҥ председателиниҥ ордынчызы Адар Сумин, јашӧскӱримниҥ политиказы ла спорттыҥ министри, СВО-ныҥ туружаачызы Александр Суразов, су-кадыктыҥ министриниҥ баштапкы ордынчы Алтынай Путина, Эл Курултайдыҥ депутады, СВО-ныҥ туружаачызы Максим Анисимов уткугандар.

Текши зарядканыҥ кийнинде кыймыгу-марафонныҥ туружаачылары стадионды айландыра беш тегеликти — 2 километрди јӱгӱрип ӧткӧндӧр. Олорды Россияныҥ Геройы, сенатор Амыр Аргамаков ло тергеениҥ башкарузыныҥ јашӧскӱримниҥ политиказы ла спорттыҥ министри Александр Суразов баштагандар. Ол кӱн стадиондо су-кадыктыҥ беш зона-ортолыгы иштеген.

«Спартак» стадиондо ӧткӧн Су-кадыктыҥ быјылгы кӱнин Алтай Республиканыҥ су-кадыкты корыыр, јашӧскӱримниҥ политиказы ла спорттыҥ министерстволоры, каланыҥ администрациязы, су-кадыктыҥ ла профилактиканыҥ тӧс јери, «Единая Россия» партияныҥ тергеелик Совединиҥ јӧмӧӧчилери тӧзӧп ӧткӱргендер. Бу керек-јаракта анайда ок волонтерлордыҥ бастырароссиялык кыймыгузыныҥ бистиҥ республикадагы «Медишчи-волонтерлоры» деп бӧлӱги, «Алтайдыҥ эпшилери» деп организациязы, спорттыҥ «Олимп» деп Соведи ле элбек јетирӱлер эдер эп-аргалар эрчимдӱ турушкан.

Кӧдӱриҥи Владимир Высоцкийдиҥ элбеде јарлу «Зарядка» деп ӧткӱн кожоҥыла башталган. Оны эмчилер белетеер колледжтиҥ 2-чи курсыныҥ студенти Ирбис Санин кожоҥдогон. Эдиски-кожоҥ јаҥыланган кийнинде, јажыл јалаҥга ээчиде ле тхэквондоныҥ тергеелик федерациязыныҥ јиит спортчылары чыгып, текши зарядканы ӧткӱргендер. Алтай Республиканыҥ тхэквондоло јуунты командазыныҥ баш тазыктыраачызы Альберт Гаунныҥ ла ак кимонолор кийген балдардыҥ ӧткӱрген зарядказыныҥ кийнинде, Су-кадыктыҥ кӱниниҥ туружаачылары јеҥил атлетиканыҥ јолына чыккандар. 2 километр јӱгӱрӱште туружарга кӱӱнзегендерди јарыштыҥ јолына Россия Федерацияныҥ сенаторы, Россияныҥ Геройы Амыр Аргамаков ло јашӧскӱримниҥ политиказы ла спорттыҥ министри Александр Суразов баштагандар деп мынаҥ ӧрӧлӧй айткан эдис.

Бисте байрамдык ла кӧдӱриҥилӱ айалгада ӧткӧн Су-кадыктыҥ кӱнин артисттер база эрчимдӱ јӧмӧгӧндӧр. Ол кӱн стадиондо эмчилер белетеер колледжтиҥ 4-чи курсыныҥ ӱренеечизи Владимир Стафиевскийдиҥ, албаты јайаандыгыныҥ тӧс јериниҥ јарлу ӧмӧлиги — «Чолмон-2024» бастырароссиялык фестивальдыҥ финалисттери «Т-бенд» группаныҥ, атту-чуулу алтай кайчы Алексей Калкинниҥ сыйыныҥ лауреады, «Новая звезда-2025» телекейлик конкурстыҥ финалында турушкан Алаш Топчинниҥ сӱрлӱ кожоҥдоры база угулган.

Су-кадыктыҥ кӱнинде кажы ла кижи бойыныҥ каныныҥ тебӱзин, бескезин ле сынын кемјип кӧрӧр аргалу болгон. Бу ишти су-кадыктыҥ ла профилактиканыҥ тӧс јериниҥ ишчилери ле эмчилер белетеер колледжтиҥ студенттери бӱдӱргендер. Мынаҥ ӧскӧ тӱндӱк базытчылар, тхэквондоло тергеелик федерацияныҥ спортчылары мастер-класстар, јиит эмчи-волонтерлор ло «Император» клубтыҥ турчылары школдыҥ ӱренчиктери ле балдардыҥ садиктериниҥ болчомдоры ортодо физкультурала колбулу башка-башка соот-ойындар ӧткӱргендер.

* * *

Кандык айдыҥ башталганында Су-кадыктыҥ кӱни јер-телекейде элбеде темдектелип јат деп айдар керек. Спорттыҥ ла физкультураныҥ мындый байрамын ӧткӱрер баштаҥкайды 1948 јылда су-кадыкты корыырыныҥ телекейлик организация-зы эткен. Бистиҥ ороондо быјыл ол «Билимле ӧмӧ-јӧмӧ су-кадыкка кожо!» деп кычырула ӧткӧн. Мынаҥ ӧскӧ кандык айдыҥ 5-13 кӱндеринде «Су-кадык бол!» деген элбек акция ӧдӧт. Быјыл бу кыймыгуда Россияныҥ бастыра 89 тергеези туружат. Бу ууламјыда јер-телекейдиҥ ороондорында болуп турган керек-јарактарды дезе 800-теҥ ажыра билим организация јӧмӧйт. Мындый кыймыгу телекейдиҥ 80-ге шыдар государствозыныҥ спорт ло физкультура сӱӱчилерин бириктирет.

Арутай АДАРОВ
Евгений БУТУШЕВТИҤ фотојуруктары

ТОП

Положение о фотоконкурсе «Бир фотојуруктыҥ тӱӱкизи»

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от 02.02.2026 № 3 Триянова С В. _________________ Положение о фотоконкурсе «Бир фотојуруктыҥ тӱӱкизи» («История одной фотографии»), посвященном 35-летию Республики Алтай, 270-летию вхождения алтайского народа в состав Российской империи Общие положения 1.1. Настоящее положение о проведении фотоконкурса «Бир фотојуруктыҥ тӱӱкизи» («История одной фотографии») (далее —

Положение Конкурса на Стипендию имени заслуженного журналиста Республики Алтай Галины Тюгай

УТВЕРЖДАЮ Приказом главного редактора АУ РА «Редакция газеты «Алтайдыҥ Чолмоны» от _____________ № Триянова С В. Положение Конкурса на Стипендию имени заслуженного журналиста Республики Алтай Галины ТЮГАЙ Объявлен Конкурс на Стипендию имени заслуженного журналиста Республики Алтай Галины Тюгай. Организатор: редакция республиканской газеты «Алтайдыҥ Чолмоны» (далее Редакция). К участию приглашаются обучающиеся 4-11 классов общеобразовательных школ Республики Алтай.

Эл Курултайдыҥ эҥ артык jосокчылар талдаарына jарлаган конкурсына туружары башталды

Парламенттиҥ сыйы учун мӧрӧй республиканыҥ ӱредӱлигине jаан камаанын jетирген школдоҥ озогы, ӱзеери, текши ле профессионал бӱдӱмдерлӱ учреждениелердиҥ ӱредӱчилери ортодо ӧдӧр. Эл Курултайдыҥ спикери Эжер Ялбаковтыҥ jартаганыла, быjыл берилетен сыйдыҥ кеми 100 муҥ салковой ло лаураттардыҥ тоозы экидеҥ тӧрткӧ кӧдӱрилген. Бу конкурс jаҥыс ла сый учун, акча учун jарлалбаган, конкурстыҥ jеҥӱчилдериле туружаачылары jосокту ижиле jашӧскӱримди ӱредеринде