Бастыразы — талдаштарга!

16.03.2018

Россия Федерацияныҥ Президентиниҥ 2018 јылдыҥ тулаан айыныҥ 18-чи кӱнинде ӧдӧтӧн талдаштарында кезик ӱнбереечилер ӱнин кандый да айалгалардаҥ улам ӧйинеҥ озо берери бистиҥ тергееде тулаан айдыҥ 5-чи кӱнинде башталган.

Ыраак ла једерге кӱч јерлерде јаткан улус ӱндерин ӧйинеҥ озо канайда берери федерал јасакта чокым айдылып калган. Ӱнин ӧйинеҥ озо берери бистиҥ республиканыҥ тӧрт аймагында ӧдӧт — Улаган аймакта (11 участковый талдаачы камыстыҥ тогузында), Кош-Агаш аймакта (17 участковый талдаачы камыстыҥ 12-зинде), Турачак аймакта (2 участковый талдаачы камыста) ла Кӧксуу-Оозы аймакта (бир участковый талдаачы камыста, Кара-Jӱректеги ле Ак-Кемдеги метеостанцияларда).

Алтай Республиканыҥ Талдаачы кӱреезиниҥ каруулу ишчизи Венера Конушеваныҥ јетирӱзиле, бистиҥ тергееде ӱндерин ӧйинеҥ озо берген ӱнбереечилердиҥ тоозы тулаан айдыҥ 15-чи кӱниниҥ эртен туразында 704 кижи болгон. Бу каруулу иш тутак-једикпестер јогынаҥ, ӧйлӱ-ӧйинде, бастыра ээжи-некелтелер аайынча ӧткӧн деп, ол айткан. Талдаачы бюллетеньдерди автотранспорт једип болбос јерлерге вертолетло јетирип јат. Бу фотојуруктаҥ андый бюллетеньдерди Кӧксуу-Оозы аймактыҥ јериндеги метеостанцияга вертолетло јетиргенин кӧрӧдигер.

Государствоныҥ башкараачызын талдап тура, бистиҥ ороонныҥ албаты-јоны бойыныҥ келер ӧйин чокымдайт ла талдайт. АР-дыҥ Талдаачы кӱреези Туулу Алтайдыҥ ӱнбереечилерине баштанып, РФ-тыҥ Президентиниҥ соҥзун ӧдӧр талдаштарында эрчимдӱ турушсын деп кычыру эдет. Бӱгӱнги тегин эмес ӧйдӧ кажы ла ӱнбереечиниҥ ӱниниҥ учуры јаан болгонын ундыбайлы.

А. СУЛУКОВ

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина