Балдарды уткуды баштапкы кӱзӱҥи

02.09.2022

Республикабыстыҥ школдоры 39590 балага эжиктерин ачты.
Јаҥы ӱредӱлик јыл келгенин баштапкы кӱзӱҥиниҥ табыжы керелеп салды.

Быјыл баштапкы класска 4020 бала келген. Олорды јылу уткыырга, јай туркунына бастыра школдор јазал иштерин бийик кеминде ӧткӱрдилер. Анайып, Горно-Алтайск калада 5-чи ле 10-чы таҥмалу школдордо текши јазал иштер тӱгенди. Майма јуртта Н. А. Заборскийдиҥ адыла адалган баштапкы таҥмалу школдыҥ ӱренчиктери бир јылдыҥ туркунына башка-башка ӱредӱлӱ заведениелердиҥ тураларында кысталыжып ӱренгендер. Кече, баштапкы сентябрьдыҥ байрамында, бу ӱренчиктерге, олордыҥ ӱредӱчилерине ле ада-энелерине школдыҥ сакылталу ачылтазы ӧтти.
Майма аймакта Кызыл-Ӧзӧк јурттыҥ, Кӧксуу-Оозы аймакта Кастахта јурттыҥ ла Улаган аймактыҥ Јазулу јуртыныҥ школдоры тургуза ӧйдӧ јазал иштерин улалтат. Келер јылда республика ичинде база да 12 школдо текши јазал иштер башталар.
– Аҥылу ајару Кӧксуу-Оозыныҥ школын тударына эдедис. Иштер баштапкы ӱредӱлӱ четвертьтиҥ бажына јетпей, тӱгенип калзын деп, јакылта бергем – деп, Алтай Республиканыҥ башчызы О.Л. Хорохордин айдат. Башчыныҥ темдектегениле, анайда ок «Ӱредӱ» деп нацпроект ажыра школдорды эмдиги ӧйдиҥ некелтелерине келижер јепселдериле јеткилдеерине, спортзалдарды ла спортплощадкаларды јазаарына, «Точка роста» кабинеттер ле мастерскойлор ачарына тӧс ајару эдилет.

Фотојурукта Горно-Алтайсктыҥ 7-чи таҥмалу школында ӧткӧн јаркынду байрамныҥ элестери

Алтынай Санаа

Баштапкы кӱзӱҥи сӱӱнчилӱ кыйгырып,
Балдарды ару класстарга кычырат.
Энчикпей меҥдеген оогош болчомды
Энези jединип, школго апарат.

Jаҥы башталган ӱредӱлӱ jыл
Jаҥы ачылта белетеп алган.
Ӱредӱ jажыдын ачатан качыга
Ӱренчик балдар чечектер тудунган.

Бичикти ачса, телекей jӱрӱми
Бийлеп сагышты, билгир кожор.
Jилбилӱ уроктор элес ӧдӱп,
Jиит кӧрӱмге тузалу болор.

Таныктар, табыштар таскаду ичинеҥ
Таныжып, тапкыр болорго ӱредер.
Табылбай калган тоолордыҥ каруузын
Такыптаҥ кожуп, табарга келижер.

Нениҥ учун кар кайылат?
Нениҥ учун ыш jайылат?
Кем кӧрӱктиҥ белин будыган?
Кем баштапкы кӧлӱкти jазаган?

Баштапкы кӱзӱҥи чӧйӧӧ кыйгырып,
Билгирдиҥ кӱни келгенин керелейт.
Кӱндер кыскарып, сооп баштаза,
Кӱс тӱшкенин улус темдектейт.

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина