Партияныҥ ӱлекери јӱрӱмде бӱдет

08.09.2017

Горно-Алтайсктагы В. И. Чаптыновтыҥ адыла адалган оромдогы 28-чи таҥмалу тураныҥ «Единая Россия» партияныҥ «Каланыҥ бӱдӱм-кеберин кубултары» деген ӱлекери аайынча јарандырылган јериниҥ кӧдӱриҥилӱ ачылтазы сыгын айдыҥ 5-чи кӱнинде ӧтти.

Байрамдык керекте бу турада јадып турган улус, тураныҥ јанында јерди јарандырар ишти бӱдӱрген специалисттер, «Единая Россияныҥ» депутаттары, Алтай Республиканыҥ башкарузыныҥ ла Горно-Алтайск каланыҥ администрациязыныҥ чыгартулу улузы турушкан.
Jуулган улуска уткуулду сӧзиле Алтай Республиканыҥ Башчызы, «Единая Россияныҥ» тергеелик политсовединиҥ тӧргизиниҥ турчызы Александр Бердников баштанган. «Кала јаранат, кубулат. Улус текши тузаланар статусный јерлерди тӧзӧӧриле колбулу сурактарды аайлаштырып салганыс јаан учурлу—музейлер, бассейн, драмтеатр, художественный гимнастикала тазыктырынарыныҥ залы, стадион ло о. ӧ. Тургуза ӧйдӧ бис туралардыҥ јанын партияныҥ программазы аайынча јарандырары јанынаҥ иштеп јадыс. Бӱгӱн бис јарандырылган баштапкы двордыҥ ачылтазын ӧткӱредис: улуска эптӱ, кӱӱн-санаазы јакшы, балдарга бастыра јанынаҥ јарамыкту ла јеткерлӱ эмес болзын»—деп, ол айткан.
Александр Бердниковтыҥ айтканыла, быјыл кӧп квартираларлу 6 турага база мынайда ок јарандырылган тӧрт двордыҥ ачылтазы ӧдӧр. Горно-Алтайскта бу программаны акча-манатла јеткилдеерине 2017 јылда 50 миллион салковойдоҥ кӧп акча чыгарылар.
«Jеҥӱниҥ паркын јаҥыртары кӱчӱрген айга јетпей јадып учына јетирилер, Мебельный фабриканыҥ јанында Билениҥ паркы болор—улус мында амырап, билелериле ӧйди јарамыкту ӧткӱрер. Jаш ӱйеге узак ӧйдиҥ туркунына сакыган скейт-парк эдерис»—деп, Башчы айтты.
Тергеениҥ тӧс јеринде автојолдорды јазаары ӧдӧр. Александр Бердниковтыҥ айтканыла, бӱгӱн бу сурак эҥ ле курч турат, андый иштерди ӧткӱрерине акча-манат республикан бюджеттеҥ чыгарылар.
«Единая Россияныҥ» «Каланыҥ бӱдӱм-кеберин кубултар» деген ӱлекер-проеги Россияныҥ премьер-министри, партияныҥ председатели Дмитрий Медведевтиҥ баштаҥкайы болуп јат.
Алтай Республиканыҥ Государственный Jууны—Эл Курултайдыҥ Председатели, партияныҥ тергеелик бӧлӱгиниҥ качызы Владимир Тюлентин бу турада јадып турган улусты двордыҥ јаҥыртылганыла уткып, јеткил јадын-јӱрӱм ле тураны айландыра текши јерге чебер болзын деп кӱӱнзеген. «Каланыҥ бӱдӱм-кеберин кубултар» партийный ӱлекер-проекттиҥ амадуларыныҥ бирӱзи – текши дворды јарандырып, сурактардыҥ аайына ӧмӧ-јӧмӧ чыгып, каланыҥ эл-јонын бой-бойына јууктадары болуп јат. Jаҥыртылган двордыҥ ачылтазы чындаптаҥ да байрам болзын ла сыгын айдыҥ 5-чи кӱни — јакшынак турагардыҥ Кӱни болзын» — деп, спикер баштанган.
«Каланыҥ бӱдӱм-кеберин кубултар» партийный ӱлекер-проекттиҥ тергеелик координаторы, Алтай Республиканыҥ депутады Герман Чепкин бу турада јадып турган улуска ӱлекер-проектте эрчимдӱ турушканы учун быйанын айткан. «Тӧзӧмӧл лӧ системный иштиҥ шылтузында бастыразы ӧйинде эдилген. Jакшынак ла јараш двор болуп калды» — деп, ол темдектеген.
Дворлордыҥ јанын јазаар иштерге балдардыҥ ла спортивный площадкаларды, амыраар беседкаларды, кӧлӱктер тургузар јерлерди белетеп јазаар, анайда ок чечектер отургызар иштер кирген. Мында ла јаҥы асфальт ла тротуарный плиткалар салынган, бордюрный таш ла чеден тургузылган. Бастыра подъездтер јаҥы скамейкаларла, пандустарла јеткилделген.
Подрядчиктерге ле специалисттерге, анайда ок ТСЖ-ныҥ председатели Нина Стрелецкаяга Быйанду самаралар табыштырылган. Турада јадып турган балдарга ойноор јап-јаҥы площадкада конкурстарлу ла сыйларлу соот программа ӧткӱрилген.
Дворды јаҥыртарына белетеер иш партийный ӱлекер-проект аайынча бир канча бӧлӱкле ӧткӧн. Улус туразыныҥ јанын канайда јарандырары керегинде кӧрӱм-шӱӱлтелерин јаскыда айткан. Кийнинеҥ, конкурстыҥ турулталары аайынча ӱлекер-проект дворлордыҥ јанын јазайтан 2017 јылдыҥ программазына кирген. «Единая Россияныҥ» депутаттары, Горно-Алтайсктыҥ администрациязы ла муниципал учреждениелердиҥ специалисттери бу иште эрчимдӱ туружып баштаган. ¯лекер-проект белетеечилер техпланды белетеген, подрядчиктер чокымдалган. ²мӧ-јӧмӧ иштиҥ шылтузында тудум иштер ӧйинде бӱткен.
Единая Россия» партияныҥ «Каланыҥ бӱдӱм-кеберин кубултар» деген ӱлекери аайынча 2017 јылдыҥ сыгын айында јаҥыртылган тӧрт дворды ачары темдектелет — Чорос Гуркинниҥ оромындагы 33-чи, 35-чи туралардыҥ, Коммунистический проспектеги 24-чи, 49-чы, 51-чи, 66-чы туралардыҥ эки јаны ла эжик тужы.
Муниципал программа «Каланыҥ бӱдӱм-кеберин кубултар» деген ӱлекерге тӧзӧлгӧлӧнип тургузылган. Мындый программаны тургузар баштаҥкайды «Единая Россия» партия эткен. Оныҥ ӱлекерин дезе Россия Федерацияныҥ Президентиндеги стратегический ӧзӱм аайынча Советтиҥ тӧргизиниҥ јакылтазы аайынча РФ-тыҥ строительство аайынча министерствозы белетеп туругускан.

Бастырароссиялык «Единая Россия»
политический партияныҥ Алтай Республикада
тергеелик бӧлӱгиниҥ талдаачы фондынаҥ тӧлӧлгӧн

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина