Чаргыдагы спортзал јазалган

01.12.2017

Шабалин аймакта Чаргы јурттагы школдыҥ спортзалыныҥ ачылтазы, федерал бюджеттеҥ чыгарылган 2,2 миллион салковойло ӧткӱрилген јаан јазашту иштердиҥ кийнинде, башкӱн ӧтти. Бу кӧдӱриҥӱде тергеениҥ Башчызы Александр Бердников турушкан.

Чаргыныҥ орто ӱредӱлӱ текшиӱредӱлик школында 400-тӧҥ кӧп балдар ӱренет, школдыҥ туразы 1990 јылда тудулган. Спортзалды јазаар иш јаан изӱ айда башталып, кӱчӱрген айдыҥ 24-чи кӱнинде тӱгенген. Мында јабынты, јылыдарыныҥ системазы, јарыткыштар, полдор, эжиктер ле ӧскӧ дӧ не-немелер солылган. Анайда ок улус јунунар кабинкалар, санузелдер тургузылган, агаш кӧзнӧктӧр пластиковыйыла солылган.
Александр Бердников Россияныҥ Президенти Владимир Путин нацияныҥ су-кадыгы јанынаҥ сурак баштапкы јерде турар учурлу деп айдып турганын эзетти. Алтай Республикада, бастыра ороондо чылап, јашӧскӱримди спортко тартып аларына, су-кадык јӱрӱмниҥ пропагандазына јаан ајару эдилет.
Тергееде спортзалдар тудары ла јаҥырта јазаары эрчимдӱ ӧдӧт. Jӱк ле 2017 јылда «¯редӱликтиҥ ӧзӱми» деген федерал программа аайынча тергее бу амадуларга 18 миллион салковойдоҥ кӧп акча алган, ресбюджеттеҥ софинансированиениҥ кеми 1,7 миллион салковой болгон. Быјыл Боочыда, Экинурда јаҥы спортзалдар ачылган, Шашыкманныҥ спортзалыныҥ ачылтазы јаҥар айдыҥ ортозында ӧдӧри темдектелген. Былтыр республиканыҥ јурттарында 17 спортзал јазалган ла тудулган, быјыл—13, келер јылда 20 кирезин јазаары ла тудары темдектелген.
Башчыныҥ јакылтазыла Чаргыныҥ спортзалына јазалдар садып аларына ресбюджеттеҥ 500 муҥ салковой акча чыгарылган. Александр Бердниковтыҥ јакылтазыла анайда ок школдыҥ туразын јазаарыныҥ ӱлекер-сметный документациязы белетелер.
Ачылта ӧйинде мергендӱчилерге кайралдар табыштырылган: Чаргыныҥ школыныҥ физкультура аайынча ӱредӱчизи Михаил Вольхинге «АР-дыҥ нерелӱ ӱредӱчизи» деген кӱндӱлӱ ат адалган, АР-дыҥ Кӱндӱлӱ грамотазыла бу ок школдыҥ ӱзеери ӱредӱ аайынча педагогы Ольга Рогова, АР-дыҥ Башчызыныҥ, Башкарузыныҥ Председателиниҥ Быйанду самаразыла ол школдыҥ тураларын ла јазалдарын јазаары, јеткилдеери аайынча ишчи Владимир Кучуков кайралдаткан. Анайда ок јакшы ӱредӱзи ле школдыҥ јӱрӱминде эрчимдӱ туружып турганы учун 7 «Б» класстыҥ ӱренчиги Александр Парфенов ло 10 «Б» класстыҥ ӱренчиги Никита Ударцев планшеттерле кайралдатты.

АР-дыҥ Башкарузыныҥ пресс-службазы

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина