Чаган айдыҥ соогы

26.01.2018

Тыҥ сооктор келгениле колбой Алтай Республиканыҥ кату-јеткерлӱ айалгалар аайынча камызы бар ийде-кӱчтер ле аргалар јаантайын беленде болотон айалганы јарлады.

Печкелерди одырар тушта кенейте јалбырай беретен не-немелерди тузаланбазын, печкени ӧйи-кеминеҥ ӧткӱре кызытпазын, бу керекти балдарга бӱдӱмјилебезин деп, камыс бастыра эл-јонго баштанып туру.
Республикан МЧС-тыҥ пресс-службазыныҥ кечеги јетирӱзиле, бистиҥ тергееде тыҥ сооктордоҥ улам јербойында авария-јеткерлер болбогон. Jолой барып јадала, тыҥ сооктоҥ улам кӧлӱктери маҥтабай, тура берген улуска МЧС-тыҥ ишчилери болуш јетирген ӱч учурал болгон.
«Ведомстволор ортодогы оперативный штаб иштейт, эл-јонныҥ јадын-јӱрӱми аайлу-башту болорын јеткилдеечи иштер ӧткӱрилет. Мындый керектерде туружатан ийде-кӱчтер ле аргалар табынча кӧптӧдилет. Социальный учурлу объекттерде шиҥдемелдӱ иштер ӧткӱрилет, бастыра муниципал тӧзӧмӧлдӧрдӧ кӧчӱп јӱрип, улусты изӱ курсакла азырайтан ла јылыдатан пункттар иштейт» — деп, Россияныҥ МЧС-ныҥ Алтай Республика аайынча тӧс башкартузыныҥ јааныныҥ ордынчызы Александр Романов куучындайт.
Jеҥил кийимдӱ тышкары узак болбогор, ыраак јол-јорыкка барбагар, нениҥ учун дезе Сибирьдиҥ ӧскӧ талаларында айдыҥ-кӱнниҥ аайы оноҥ кату ла соок деп, аргадаачылар эл-јонго баштанып туру. Бӱгӱнги кӱнде Бийск, Барнаул, Новосибирск ле Томск јаар автобустар јӱрери удурумга токтодылган.
Интернетте јарлалган јетирӱле, Кӧксуу-Оозы аймакта Алтыгы Оймон јуртта башкӱн 51 градус соок болгон — онызын фотојурукка соккон термометрдиҥ кӧргӱзӱзи керелейт. Кече таҥ эртен тура каланыҥ кобы-јиктериниҥ бажында 43,5 градус соок болгон.
Республикан Гидрометбюроныҥ јааны Валентин Декеновтыҥ јетирӱзиле, јербойында тыҥ сооктор келер воскресень кӱнге јетире турар, оноҥ сооктор сыныгып баштаар. Оныҥ да учун эл-јонго келер јуук ӧйдӧ мынаҥ да ары ајарыҥкай болуп, соокторло колбулу кызалаҥ-јеткерлӱ айалгалар болбозы керегинде сананып јӱрер керек.

А. Сулуков

ТОП

«Баатырларыс ойгонып калды…»

(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым

Малдыҥ сӧӧк-тайагыла тудуш јаҥдар

Кыптунак Малды сойгон кийнинде эҥ ле озо этле кожо кыптунакты кайнадар учурлу. Јаак Эки јаакты айрыйла, бирӱзин тургуза ла кайнадар. Оноҥ башка эки јаак јадала, «арткан этти јип салар». Ол тушта этти јизе, курсакка бодолбос. (К. И. Санин) Кары Карыны энедеҥ јаҥыс бӱткен кижи јарбас керегинде албатыда чӱм-јаҥ бар. Оныла колбулу мындый кеп-куучын арткан: «Бир

Јаҥарыс бистиҥ Алтайга јаҥыланзын

Јаҥы Койон јылдыҥ бажында телеҥит јаҥарыс коштойындагы Алтай крайда профессионал студияда јыҥыраганын интернетле «нӧкӧрлӧжип» турган улус уккан-кӧргӧн лӧ болбой. Оны кӧргӧн кижиниҥ база ла катап «Улаган тыҥ!» деп, кӧксине чабынар кӱӱни келер. Бу узак јолды кӱчсинбей, Улаган аймактыҥ кеендикти, узанышты ла спорттыҥ албаты бӱдӱмдерин элбедер тӧс јериндиҥ башкараачызы Мерген Тельденовко, Алтай Республиканыҥ ат-нерелӱ артисттери Марина