Настройки отображения
Настройки шрифта:
Выберите шрифт Arial Times New Roman
Интервал между буквами (Кернинг): Стандартный Средний Большой
Выбор цветовой схемы:
Алтайдын Чолмоны
Туулу Алтайдыҥ элчилери—Сочидеги фестивальда
23.10.2017
Алтай Республиканыҥ делегациязы јашӧскӱримниҥ ле студенттердиҥ Сочи калада ӱлӱрген айдыҥ 14-чи кӱнинеҥ ала 22-чи кӱнине јетире ӧдӱп јаткан XIX Телекейлик фестивалинде туружат. Фестивальда телекейдиҥ 140 ороонынаҥ 18-35 јашту 20 муҥ элчи туружып јат.
Бистиҥ тергеениҥ делегациязында 38 туружаачы ла 7 волонтер. Делегацияныҥ составына кирерге, оныҥ туружаачылары заочный ла очный талдаштар ӧткӧн, волонтерлор—фестивальдыҥ тӧзӧӧчилериле телефонло эмезе видеосвязьла собеседование. Делегацияныҥ турчыларыныҥ тоозында тергеениҥ ӱредӱлик учреждениелериниҥ студенттери, јашӧскӱримниҥ јондык организацияларыныҥ турчылары, ишмекчи јашӧскӱрим деп, АР-дыҥ јашӧскӱримниҥ политиказы, черӱчил-тӧрӧлчи таскамал ла граждандарды черӱге белетеери аайынча тӧс јери јетирет.
Фестивальдыҥ кӧдӱриҥилӱ ачылтазы ӱлӱрген айдыҥ 15-чи кӱнинде Сочи каланыҥ «Большой» деген тош ӧргӧӧзинде ӧдӧрдӧ, Россияныҥ Президенти Владимир Путин база турушкан. «Слерди, башка-башка ороондордыҥ уктары ла мӱргӱӱлдери башка јашӧскӱримин, бирлик кӱӱн-санаа, байлыктар, амадулар, јайымга, ырыска, амыр-энчӱге ле телекейде бой-бойын оҥдожорына, једимдерге једерине јӱткӱмел бириктирет. Слер једимге јетсин деп, бис бастыразын эдерис»—деп, ол айткан.
Президенттиҥ темдектегениле, јиит ӱйе јер-телекейге јаҥы шӱӱлтелер эдет, ченелтелер ӧткӱрет. «Тартыжыгар! Бойыгардыҥ келер ӧйигерди тӧзӧгӧр. Бу телекейди, ол оноҥ јакшы болзын деп, кубултарга јӱткӱгер. Бастыразы слердиҥ ийде-кӱчигерде. Jӱк ле ичкери барары эҥ ле учурлу. Фестивальдыҥ карындаштыгы слерге јакшынак амадуларыгар јӱрӱмде бӱдерине кыйалта јогынаҥ болужын јетирер»—деп, Владимир Путин айткан.
Фестивальдыҥ программазында—беш муҥ кире керек-јарактар. Ол тоодо дискуссиялар, спортло маргаандар, ойын-концерттер, кӧрӱлер ле о. ӧ.
Jашӧскӱримниҥ телекейлик байрамыныҥ јабылтазы ӱлӱрген айдыҥ 21-чи кӱнинде ӧдӧр, анда «Алтайдыҥ кайчылары» деген трио туружар.
Россия јашӧскӱримниҥ ле студенттердиҥ Телекейлик фестивальдарын ӱчинчи катап ӧткӱрип јат: баштапкызын 1957 јылда, экинчизин—1985 јылда, быјыл ӱчинчизин. Баштапкы эки фестиваль Москвада ӧткӧн болгон.
АР-дыҥ Башкарузыныҥ пресс-службазы
ТОП
«Гуркин» деген телекей: ачылталар ла јажыттар
Г.И. Гуркин ӱйи Мария Агафоновнала Оносто садында Атту-чуулу алтай јурукчы, политикалык ла јондык ишчи Григорий Иванович Чорос-Гуркинниҥ чыккан ӧйин ле јерин чокумдаган јаҥы документтер табылган. «ХХ чактыҥ башталарында Туулу Алтайда эҥ јарлу јон-политикалык ишчилердиҥ бирӱзи, јурукчы Григорий Иванович Чорос-Гуркин 1870 јылдыҥ чаган айыныҥ 12-чи кӱнинде Улалуда чыккан деп чотолот. Је Алтай Республиканыҥ Государстволык архивинде Улалудагы
«Јурукчыныҥ јуртын орныктырары – тӧс иш»
Јурукчыныҥ Оностогы јуртында Атту-чуулу алтай јурукчы, ады јарлу јондык ла политикалык ишчи Григорий Иванович Чорос-Гуркинниҥ чыкканынаҥ ала 155 јылдыгыла колбой тергеебисте кандый иштер темдектелгени керегинде Алтай Республиканыҥ А. В. Анохинниҥ адыла адалган Эл музейиниҥ директоры Римма ЕРКИНОВА куучындайт. – Г. И. Чорос-Гуркинниҥ юбилейине белетенери ле оныла колбой быјыл ӧткӱретен иштер керегинде Алтай Республиканыҥ башкарузыныҥ јакааны
«Баатырларыс ойгонып калды…»
(Башталганы 1-кы номерде) «Алтын-Эргек» кай чӧрчӧкти сценада «Ээлӱ кайдыҥ» турчыларыла кайлап отурыс. Ол тушта мениле саҥ башка учурал болгон. Кандый да ӧйдӧ сӱнем чыга бергендий, бойымды ӱстинеҥ тӧмӧн ајыктап турум. Топшуур согуп турганымды кӧрӧдим. Ол ло ок ӧйдӧ коштойындагы, алдыгы, ӱстиги телекейлерге јӱрӱп, олордо не болуп турганын, ондогы јӱрӱмди база кӧрӱп турум. Ончо ло бойым